CAVITE – Arestado sa bisa ng warrant of arrest ang apat katao na pawang mga empleyado ng lokal na pamahalaan sa Gen. Trias City sa lalawigang ito.

Nakakulong na sa Gen, Trias City Custodial Center ang mga arestado na sina Francisco Romero, 58; Jenielyn Ferrer, 36; Jenice Samaniego, 38, at Marilyn Clarito, 44, pawang mga empleyado ng local government unit ng Gen. Trias City.

Ayon kay P/SSgt. John Leo Francisco ng Gen. Trias Police Warrant Section, dakong alas-12:00 ng madaling araw nang arestuhin ang mga suspek sa bisa ng warrant of arrest na inisyu ni Judge Jean Desuasido-Gill ng Regional Trial Court Branch 131 ng Trece Martires City, dahil sa kasong  estafa at paglabag sa RA 8484 (Issuance and Use of Access Devices, Prohibiting Fraudulent Act)  sa Brgy. San Juan sa nabanggit na lungsod. (SIGFRED ADSUARA)