ARESTADO sa mga tauhan ng iba’t ibang istasyon ng Quezon City Police District (QCPD) ang anim na wanted persons sa isinagawang operasyon sa magkakahiwalay lugar sa nasabing lungsod.

Kinilala ni QCPD Director, P/Brigadier General Danilo P. Macerin ang isa sa mga nadakip sa bisa ng warrant of arrest, na si Justin Reyes, 23, top 7 most wanted person, station level, ng Galas Police Station,

Huli rin ng nasabing himpilan ng pulisya, sa bisa ng warrant of arrest, si Javier Pacanut, 31, dahil sa kasong slight physical injuries and maltreatment.

Arestado rin si Rodolfo Obedoza, 64, dahil sa kasong paglabag sa RA 9003 o Ecological Solid Waste Management Act of 2002.

Nalambat ng Fairview Police Station (PS-5) sa bisa ng warrant of arrest, si George Golveo Jr., 21, dahil sa kasong slight physical injuries and maltreatment.

Nadakip ng Pasong Putik Proper Police Station (PS-16) si Elmer Repalda, 19, dahil sa kasong theft.

Laglag naman sa Crime Investigation Section – Warrant and Subpoena Section (CIS-WSS), sa ilalim ng pamumuno ni P/Maj. Elmer Monsalve, ang suspek na si Rosetany Cabuquin, 37, dahil sa kasong estafa. (JOEL O. AMONGO)