Nagsampa ng kasong kriminal ang Bureau of Customs (BOC), sa pamamagitan ng Bureau’s Action Team Against Smugglers (BATAS), kasama ang Port of Manila at Port of Subic laban sa dalawang (2) importers at kanilang customs brokers para sa umanoy paglabag sa Customs laws, rules, and regulations.
Kabilang sa nahaharap sa smuggling charges ay ang Arma Consumer Goods Trading para sa umanoy unlawful importation ng steel coils at face shields na may halagang Php959,164.59 noong Hunyo 25, 2020 sa Port of Manila.
Ang importer at customs broker ay kinasuhan sa paglabag sa Section 1401 (c) na may kaugnayan sa Sections 1400, 1403 at 1113 (i), (l) (3,4, at 5), 404 at 405 ng Republic Act No. 10863, o mas kilala bilang Customs Modernization and Tariff Act (CMTA), at Article 172 na may kinalaman sa Article 171 ng Revised Penal Code, bilang inamyendahan.
Nagsampa din ng criminal case ang BOC-BATAS laban sa Zhenpin Consumer Goods Trading para sa umanoy ‘unlawful importation and misdeclaration’ ng ibat-ibang agricultural products tulad ng carrots at broccoli na nagkakahalaga ng Php8,817,339.49 sa Port of Subic.
Ang Zhenpin Consumer Goods Trading at kanilang customs broker ay nahaharap sa twelve counts ng paglabag sa Section 1401 (e) na may kaugnayan sa Sections 1400, 1403, 1113 (f), (i), (l) (3) (4) (5), 117, 107, 404 at 412 ng Republic Act No. 10863 o mas kilala bilang Customs Modernization and Tariff Act (CMTA), Sections 3 at 4 of Republic Act No. 10845 o mas kilala bilang Anti-Agricultural Smuggling Act of 2016 na may kaugnayan sa Department of Agriculture Circular No. 04, Series of 2016, at Article 172 na may kinalaman sa Article 171 ng Revised Penal Code (RPC), bilang inamyendahan.
Kaugnay nito, ang BOC ay nag-file din ng administrative cases sa Professional Regulation Commission laban sa Licensed Customs Brokers na nasasangkot sa nasabing mga kaso.
(Joel O. Amongo)
221 
