TINIYAK ng Malakanyang na walang problema sa pondo ang pamahalaan hinggil sa patuloy na pagtugon nito sa nararanasan pa ring pandemya.

Ito ang inihayag ni Presidential spokesperson Harry Roque batay na rin aniya kay Finance Secretary Carlos Dominguez.

Sinabi ni Sec. Roque na nandiyan lang ang 2021 budget for COVID-related expenses pero wala na para sa pang-ayuda.

Sakali mang mangailangan ng budget para sa ayuda, sinabi ni Roque na ito’y kukunin na sa supplemental budget at hindi sa pondo ng 2021.

Magkakaruon aniya ng supplemental budget sa pamamagitan ng Bayanihan III. (CHRISTIAN DALE)