MAGLALABAN sa tatlong event ang may 111 siklista (98 men at 13 women) simula sa Sabado sa pagpadyak ng PhilCycling National Trials for Road sa Clark Freeport and Special Economic Zone sa Pampanga.
Sa Day 1 (Sabado) masasaksihan ang 13 women cyclists na magpapaiklian ng oras simula alas-otso ng umaga sa distansyang 17.1 kms. Individual time trial (ITT).
Matapos ang ikalawang oras, papadyak naman ang 54 men sa may kabuuang 24.6-km loop ng ITT, na siya ring magiging battleground ng road races sa Day 2 (Linggo).
Sa hapon ng Sabado, sa criterium naman magbabakbakan ang mga rider sa 2.3-km perimeter ng Clark Parade Grounds. Ang women’s race ay may 16 laps at 20 naman sa men’s, na may tatlo at apat na intermediate sprints, ayon sa pagkakasunod, at magkakaloob ng 5, 3, 2, 1 points, doble sa final lap, par asa top four riders.
“We will be witnessing competitive cycling right on Day 1 of the Trials and with the road races set for Sunday, this event is one compact competition,” pahayag ni Philippine Olympic Committee (POC) at PhilCycling president Bambol Tolentino.
Ang karera ay suportado ng Go for Gold, Chooks-to-Go, GAC Motor (official mobility partner), Gatorade (official sports drink), Versa (communications partner), 7-Eleven, Le Tour de Filipinas, 7-Eleven, UBE Express Inc., Powerade, Wilkins, Coca-Cola, Shimano, Bike-X and MadCrank. Maging ang pangalawang MTB trials ng PhilCycling ay gaganapin sa Danao City sa susunod na buwan.
Dahil sa umiiral pa ring pandemya, ang karera ay nasa loob ng bubble environment bilang pagtugon sa rekomendasyon ng Central Luzon Regional Task Force, Office of Civil Defense, Department of Health, Philippine National Police, Province of Pampanga at ng Department of Tourism.
311 
