“REBELLION in any form is antagonism,” pahayag ni PNP-PRO5 Director P/BGen. Jonnel C. Estomo makaraang madakip ng kanyang mga tauhan ang isang ranking member ng communist terrorist group na may kasong murder sa lalawigan ng Masbate.

Kinilala ni P/BGen. Estomo ang nadakip na New People’s Army cadre na si Loreto Rañola Dometita alyas “Ka Jun,” isang fishpond caretaker, naninirahan sa Brgy. Bolo, Masbate City.

Ang suspek ay kasapi umano ng Larangan 1, Kilusang Partido 4; at Bicol Regional Party Committee (BRPC) na kumikilos sa 2nd District ng Masbate City.

Ayon kay P/Major Malou Calubaquib, tagapagsalita ng PNP-PRO5, bandang alas-10:00 noong Martes ng umaga nang maaresto ang suspek ng mga tauhan ng PNP-PRO5 PIT-Masbate (lead unit) Masbate City Police Office, Regional Intelligence Unit 5, Regional Police Special Operation Unit, CIDG-Masbate Provincial Field Unit; Police Intelligence Unit Masbate PPO, PECU, 502nd MARPSTA, 1st MASBATE-PMFC, 96th MICO, 2IB PA at PIT-Masbate.

Si Dometita ay pakay ng warrant of arrest sa kasong murder na inisyu ni Hon. Jose Ronald M. Bersales, presiding judge ng Branch 47, 5th Judicial Region, Masbate City. Walang inirekomendang pyansa ang korte para sa kaso ng suspek.

Sinasabing ang akusado ay sangkot sa serye ng mga pagpatay sa Masbate.

Habang nagtatago ay nagsilbing caretaker ng palaisdaan ang suspek hanggang sa madakip sa Brgy. Bolo, Masbate City.

“Let this message reach the resonance of the rebels. The government has invested so much money and resources to train, educate, and give benefits to our troops. We just cannot be toppled down by these groups who have nothing to offer but prejudice to society,” Ani P/BGen. Estomo. (JESSE KABEL)