MANINGNING ang kinabukasan ng Pinoy weightlifters kung pagbabasehan ang katatapos lang na 2021 World Classic Powerlifting Championships sa Halmstad, Sweden.
Kabuuang 11 medalya (4 golds, 2 silvers, 5 bronzes) ang napanalunan ng Philippine powerlifting team sa nasabing torneo.
Pinaka-impresibo si powerlifter Veronica Ompod, na nagreyna sa 43kg women’s junior division nang humakot ng 4 gold medals.
Isang silver at bronze medal ang nakopo ni Joyce Gail Reboton sa women’s -76kg open cate-gory, habang isang silver ang nasungkit ni Agustin Lorenzo sa -74kg men’s sub-junior division.
Kumolekta naman ng apat na bronze medals si Jane Erasmo sa 47kg women’s sub-junior division.
Matatandaang nakuha ng Pilipinas ang kauna-unahan nitong Olympic gold medal sa nakaraang Tokyo 2020+1 Games sa pamamagitan ni Pinay weightlifter Hidilyn Diaz.
Nagtala rin si Diaz ng dalawang bagong Olympic record sa women’s 55kg category. (ANN ENCARNACION)
171
