PINAKIKILOS ni Senate Majority Leader Juan Miguel Zubiri ang Department of Agriculture (DA) laban sa tumataas na presyo ng fertilizer o pataba na dagdag pabigat sa mga magsasaka na naghihirap na sa pagbalanse sa mataas na production costs at mababang farmgate prices.
“Ang dami pong lumalapit sa akin na farmers’ groups and cooperatives lately, nanghihingi ng tulong dahil sa tuloy-tuloy na pagtaas ng presyo ng fertilizers,” saad ni Zubiri.
“Ang baba na nga ng benta ng produkto nila, tapos ang mahal pa ng fertilizer. And with no support from the government, hindi na po talaga sila kikita,” dagdag ng senador.
Sinabi ni Fertilizer and Pesticide Authority Executive Director Wilfredo Roldan na ang mataas na global demand ang pangunahing dahilan ng pagtaas ng presyo ng pataba.
“Urea used to go for just around Php800 to Php900 per 50 kilograms, pero ngayon nasa Php1500 to Php1800 na. That’s an astronomical jump, especially in the middle of a pandemic,” paliwanag ni Zubiri.
“Hindi pa nga nakaka-recover ang mga magsasaka natin, lalo pa silang malulugi sa presyo ng farm input. And of course, that will affect the whole chain. It will put our farmers out of business, and
it will definitely set us back in our efforts to become more self-sufficient in our production. Aasa na naman ba tayo sa imports?” dagdag ng senador.
Sinabi ni Zubiri na ang pinakamabisang paraan ay ang palakasin ang local fertilizer industry. (DANG SAMSON-GARCIA)
170 
