KINUMPIRMA ng Malakanyang na tinintahan kahapon, Nobyembre 10 ni Pangulong Rodrigo Roa Duterte ang appointment ni Dionardo Bernardo Carlos bilang bagong hepe ng Philippine National Police (PNP), epektibo Nobyembre 13, 2021.
Sinabi ni Presidential spokesperson Harry Roque na kumpiyansa sila na ipagpapatuloy ni Gen. Carlos na gawing “professional, capable and reform-oriented organization” ang PNP na isinaisip na nito.
“We wish Gen. Carlos all the best as the new PNP Chief,” ayon kay Sec. Roque.
Sa kabilang dako, naghahanda na si PNP Chief General Guillermo Eleazar sa pagsalin ng pamunuan ng PNP sa hahalili sa kanya.
Si Carlos ay nagsilbing spokesman ng PNP at naging pinuno ng Highway Patrol Group. Naging pinuno rin ng Aviation Security Group bago itinalagang Director for Integrated Police Operations in Visayas. (CHRISTIAN DALE)
198 
