INIHAYAG ng PNP-Health Service sa kanilang December 2, 2021 updates na 40 pulis na lamang ang positibo at ginagamot kabilang ang tatlong pulis na panibagong infected ng coronavirus.

Nasa tatlo ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang noong Biyernes (Disyembre 3), 42,203 na ang confirmed COVID-19 cases sa hanay ng pambansang pulisya.

May anim na pulis pa ang nadagdag sa bilang ng mga gumaling kaya ang kabuuang bilang na mga gumaling ay umabot na sa 42,038.

Sa ikatlong linggo ay nananatiling 125 ang bilang ng mga namatay sa hanay ng police force.

Umakyat naman sa 42,201 ang kabuuang kaso ng COVID-19 sa PNP simula noong Marso 2020.

Noong Disyembre 1, walang naitalang bago kaso sa PNP kaya naman umaasa si Public Information Office Chief, Col. Roderick Alba na magtutuloy-tuloy na ang paggaling ng 43 pulis.

“Sana tuloy-tuloy na ito, para maging normal na ang buhay ng lahat,” ayon kay Alba.

Magugunitang sa mahigit 225,000 na miyembro ng pulis, 1,856 na lang

ang hindi pa nababakunahan. Kaugnay nito, pinaalalahanan ni PNP Chief Police General Dionardo Carlos ang lahat ng kasapi ng police organization sa buong bansa na mag-ingat lalo na’t may bago na namang variant ang COVID-19 na Omicron kaya hindi sila dapat na magpakakampante kahit bakunado na. (JESSE KABEL)