ISANG 43-anyos na lalaki ang sinilbihan ng warrant of arrest ng mga tauhan ng Manila Police District-Binondo Police Station 11, sa Caloocan City Jail, dahil sa kasong “resistance and disobedience to a person in authority or the agent of such person (Art. 151) noong Biyernes ng gabi.

Kinilala ni MPD-District Director, P/Brigadier General Leo “Paco” Francisco ang suspek na si Arren Villareal y Osi, tambay, ng Sampaguita Road, Barangay Malaria, Caloocan City.

Batay sa ulat ni P/Lt. Col. Magno Gallora Jr., commander ng MPD- Station 11, bandang alas-11:50 ng gabi nang magtungo ang kanyang mga tauhan sa pangunguna ni P/Lt. Roderick Tan, hepe ng Warrant Section, katuwang si P/Major Ronillo Aquino ng 4th MFC, Regional Mobile Force Battalion, sa Caloocan City Jail sa panulukan ng Talimusak at Tanigue Street, Kaunlaran Village, Dagat-dagatan, lungsod ng Caloocan, at isinilbi sa suspek ang arrest warrant na inisyu ni Judge Lourdes Grace S. Barrientos-Sasondoncillo ng MTC Branch 85 sa Caloocan City.

Una na umanong nakipag-ugnayan ang NCRPO sa tanggapan ni Lt. Col. Gallora na naatasan para isilbi ang warrant of arrest kay Villareal na kasalukuyang nakakulong sa Caloocan Jail. (RENE CRISOSTOMO)