AGAD gumana ang championship experienced ng Golden State, nang sa huling 36.6 seconds, swak ang go-ahead 3-pointer ni Klay Thompson at na-overcame ng Warriors ang first-half ejection ni Draymond Green at itakbo ang 117-116 win kontra Grizzlies sa Game 1 ng Western Conference semifinals, sa Memphis, Linggo (Lunes sa Manila).
“The core, we’ve got championship DNA, and we wanted to utilize that,” pahayag ni Stephen Curry. “At this stage, that’s what it’s all about. Never let go of the rope in terms of feeling like you’re out of a game. Big win for us.”
May career-high 31 points, eight rebounds at nine assists off the bench si Jordan Poole at playoff-best 5-of-10 3-pointers. Nagdagdag si Curry ng 24 points, may 17 points si Andrew Wiggins at 15 kay Thompson para sa Warriors.
Bago mag-halftime, ejected si Green sanhi ng flagrant foul.
“We knew that was a tough break that didn’t go our way and we were all kind of shocked by the decision, but we were confident and determined and the guys stayed with it,” komento naman ni Warriors coach Steve Kerr.
Sablay si Thompson sa dalawang free throws sa huling 6.7 seconds, nakuha ng Memphis ang jump ball bago nag-time out, 3.6 seconds na lang para iset-up ang final play at posibleng pag-agaw ng laro. Kay Ja Morant umikot ang play ng Grizzlies, pero bigo ito sa kanyang last-second layup nang tumama sa backboard at umibabaw sa rim ang bola.
Sabi ni Morant: “Klay hit a big-time 3, and I missed the layup.”
Tumulong si Thompson sa pagbantay kay Morant sa final drive nito nang maiwan si Gary Payton II.
“In playoffs, all that matters is that final box-score score and handle business, but we’re far from satisfied,” sabi ni Thompson.
Nagtala si Morant ng 34 points at may 10 assists, habang si Jaren Jackson Jr., tumabla sa kanyang season high kasama ang six 3-pointers at career-high 33 points para sa Memphis. Nagdagdag naman si D’Anthony Melton ng 14 at 12 points mula kay Brandon Clarke.
Isinara ng Grizzlies ang kanilang first-round series laban sa Minnesota para maging unang team sa NBA history na nakabawi mula sa 0-3 deficit sa postseason, at maging sa series.
Nag-mix ng lineup ang Warriors, bangko muna si Poole kapalit si Payton upang makapokus sa pagdepensa kay Morant, ang Grizzlies’ star point guard at NBA’s Most Improved Player ng season.
Umiskor si Morant ng 14 sa 32-24 lead ng Grizzlies sa first quarter. Nagawang umabante hanggang 13 puntos sa second quarter bago kinuha ang 61-55 halftime lead.
Sa nalalabing 1:18 sa second quarter, na-foul ni Green si Brandon Clarke. Nirebyu ng officials ang play nang makailang ulit habang sumisigaw ang fans: “Throw him out!”
Iniwan ni Green ang laro, six points, four rebounds at five turnovers. Ayon naman kay Clarke, kilala si Green sa kanyang flagrant fouls.
Tumapos naman si Poole na may fifth-most points off the bench sa playoff para sa Golden State sa nakalipas na 40 years.
Si Curry ang may hawak ng top three spots, kabilang ang dalawa versus Denver sa first round. Starter si Poole laban sa Denver bago ginawang second stringer nitong Linggo.
“I didn’t say it, but Steph Curry came off the bench for three games, four games?” paliwanag ni Kerr sa rotation ng players niya. “If Steph Curry can come off the bench, anybody can come off the bench.”
GINAWA ng Celtics ang lahat para sa Game 1 ng second-round series opener kontra Milwaukee at mahusay nilang nadepensahan si Giannis Antetokounmpo.
Agad kinuyog ng Celtics defenders ang Greek player sa bawat hawak nito ng bola at napupwersang mag-turnover. Naging pisikal din sila kapag nagda-drive sa loob ang higante ng Milwaukee at pinigilan ang galaw sa rim, ngunit bigo ang Celtics na pigilan ang ginagawa ng defending champions sa tuwing nasa kanila ang bola.
Naitala ng Boston ang pinakapangit na offensive performance sa postseason nang lasapin ang 89-101 loss sa kamay ng Bucks, kung saan mayroon silang playoff-low shooting 33% (28 of 84) at 21 assists at playoff-high 18 turnovers.
”That’s what they try to do, deterring you from driving to the basket,” sambit ni Celtics coach Ime Udoka. ”And for the most part our decision-making wasn’t great.”
Ang lowest field goal percentage ng Boston sa regular season ay 34.7% laban sa Clippers noong Disyembre. Kasama ang kabiguan sa Game 1 ng serye, ang Celtics ay 0-9 sa season sa tuwing mas mababa sa 39.6% ang shooting nito.
Nagawa ng Milwaukee na malimitahan ang Boston’s top scorers Jayson Tatum at Jaylen Brown sa 21 at 12 puntos, ayon sa pagkakasunod, o pinagsamang 10-of-21 shooting.
May pagkakataon sana ang Boston nang makakuha si Antetokounmpo ng fourth foul, 3:37 sa third quarter, habang angat ang Bucks, 72-64. Subalit bigo ang Celtics na samantalahin ang pagkakataon.
Isa pang dahilan ng pagkabigo ng Boston ang pagka-injure ni point guard at top distributor Marcus Smart, na sa nalalabing 11 seconds sa first half ay tumakbo patungong locker room habang hawak ang kanang balikat, matapos mag-drive laban kay Pat Cannaughton at bumangga ang balikat kay Jevon Carter.
Ayon sa team, ‘shoulder stinger at right quad contusion’ ang tinamo ni Smart, na naglaro pa rin at sa 33 minuto ay nag-ambag ng 10 points mula sa 3-of-11 shooting, at six assists.
”He took a few hits. Took two in the first half. I think the quad bothered him more than the shoulder. But he’s gonna play through a lot,” dagdag ni Udoka. ”It probably affected him some… But he’ll be OK.”
258
