BULACAN – Isang 19-anyos na binata na wanted sa kasong murder ang nasakote ng mga tauhan ng Valenzuela City Police sa Simultaneous Anti-Criminality and Law Enforcement Operation (SACLEO) sa Meycauayan, Bulacan.
Kinilala ni Valenzuela City Police chief, Col. Salvador Destura Jr. ang naaresto na si Aldrin Dalagan, residente ng Tugatog, Meycauayan City, Bulacan.
Ayon kay Col. Destura, nakatanggap si P/Lt. Joel Madregalejo, hepe ng Warrant and Subpoena Section (WSS) ng Valenzuela City Police, ng impormasyon na nakita ang suspek sa kanilang lugar. Bunsod nito, agad nagsagawa ang mga awtoridad ng validation.
Nang positibo ang ulat, nagsagawa ng joint manhunt operation ang WSS sa pangunguna ni P/Lt. Madregalejo, kasama sina P/SSgt. Archie Castillano, P/SSgt. Raul Quimbo, P/SSgt. Erwin Castro, P/SSgt. Jonathan Garcia, P/Cpl. Jeffrey Natural Jr., Sub-Station 6 sa pangunguna ni P/Lt. Armando Delima, Pat. Jerick Melad, Pat. Roniel Reyes Jr., at P/EMS Arnel Cristobal, at mga tauhan ng 5th MFC, RMFB, NCRPO na nagresulta sa pagkakaaresto sa suspek dakong alas-4:02 ng hapon noong Huwebes sa Gulod Street, Tugatog, Meycauayan City, Bulacan.
Ani P/SSgt. Junrey Singgit, isinilbi ng pulisya sa suspek ang Order to Take Custody para sa kasong murder na inisyu ni Presiding Judge Evangeline S. Mendoza-Francisco ng Regional Trial Court (RTC) Branch 270, Valenzuela City, na may petsang Hulyo 21, 2022.
Walang inirekomendang pyansa ang korte para sa kaso ng suspek.
Pinuri naman ni Northern Police District (NPD) Director P/BGen. Ulysses Cruz ang Valenzuela City Police sa matagumpay na operasyon kontra sa most wanted persons na nagresulta sa pagkakaaresto sa suspek. (FRANCIS SORIANO)
179 
