KINORONAHAN nitong Linggo ng Binibining Pilipinas 2022 ang bagong set ng mga reyna na kakatawan sa bansa sa apat sa pinakamalaking beauty pageant sa mundo.

Ang mga nagwagi ay sina Binibining Pilipinas International Nicole Borromeo of Cebu City; Binibining Pilipinas Intercontinental Gabrielle Camille Basiano ng Borongan, Eastern Samar; Binibining Pilipinas Globe Chelsea Lovely Fernandez ng Tacloban City at Binibining Pilipinas Grand International Roberta Angela Tamondong ng San Pablo, Laguna.

Sa kabilang banda, hinirang na 1st Runner-Up si Herlene Nicole Budol ng Angono, Rizal, habang 2nd Runner-Up naman si Stacey Daniella Gabriel ng Cainta, Rizal. (JULIET PACOT)