BILANG paghahanda para sa AFC Asian Cup China 2023 qualifiers, sasabak ang Philippine football team sa Malaysia at Singapore sa FAS Tri-Nations Series simula Miyerkoles (Marso 23) sa Singapore.
At magbabalik sa roster ng Azkals sa unang international competition ngayong taon si goalkeeper Neil Etheridge at midfielder John Patrick Strauss, habang si forward Gerrit Holtmann, lumaro sa VfL Bochum (Bundesliga) ay nakatakdang mag-debut sa team kasama sina Enrique Linares at Diego Bardanca.
Ang China 2023 qualifiers ay gaganapin sa Mongolia sa Hunyo (2022).
Bukod sa mga nabanggit na manlalaro, kasama rin sa 25-man team sina Kevin Ray Hansen, Stephan Schrock, Amani Aguinaldo, Bienvenido Maranon,
Quincy Kammeraad, Justin Baas, Carli de Murga, Daisuke Sato, Oliver Bias, Jesse Curran, Dylan De Bruycker, Harry Foll, Kevin Ingreso, Oskari Kekkonen, Manuel Ott, Iain Ramsay, Dennis Villanueva, Mark Hartmann, Jose Elmer Porteria, at Patrick Reichelt. (VT ROMANO)
225 
