NANGANGAMBA ang isang mambabatas sa Mababang Kapulungan ng Kongreso na maubusan ng pondo ang Philippine Charity Sweepstakes Office (PCSO) kapag hindi nag-resign si General Manager Mel Robles dahil nawawalan na ng tiwala ang mga tao sa lotto.

“Now, people apparently distrust the whole system. Without them betting, how can PCSO raise funds for the poor Juan dela Cruz who needs medicine, food and government care? PCSO’s credibility is now tainted because of poor management,” ani Surigao del Norte Rep. Robert Ace Barbers.

Ginawa ng mambabatas ang pahayag dahil may mga regular bettor umano sa lotto ang nagsasabi na hindi na sila tataya matapos ang mga eskandalong kinasangkutan ng PCSO.

Tinukoy ng mambabatas ang kontrobersyal na 6/49 draw noong Enero 16, ngayong taon kung saan ang nanalo ng mahigit P600 million jackpot prize ay tumaya umano sa e-lotto at sa loob lamang ng tatlong linggo ay mahigit isang bilyon ang pinanalunan ng bettors na tanging sa Pilipinas lamang umano nangyari.

“In June 1954, RA 1169 or the PCSO Charters was enacted. Since then, PCSO remained an indispensable charity arm of the government, frequently summoned to fund essential health and welfare projects nationwide. In 1995, in order to raise more funds and finance more health and welfare projects, PCSO launched the first on-line lottery, better known as the lotto. The people welcomed it and patronized it, raising much needed revenues for charity programs,” ani Barbers.

Upang maisalba aniya ang imahe ng ahensya ay dapat magbitiw si Robles.

Si Robles ay isa umano sa malalaking donor ni Pangulong Ferdinand “Bongbong” Marcos Jr., noong 2022 elections at kamakailan ay naging viral ang pagbati sa kanya ni First Lady Liza Araneta Marcos sa kanyang ika-60 kaarawan.

(BERNARD TAGUINOD)