Patay ang isang pulis at dalawang drug suspek habang dalawang pulis pa ang ang nasugatan nang mauwi sa engkwentro ang buy-bust operation Orion, Bataan.

Minalas na masawi sa palitan ng putok si PCpl Darnel Alfonso, nakatalaga sa Orion police station at ang suspek na si Mark Anthony Capacia, may kasong murder. Kinikilala pa ng mga awtoridad ang isa pang napatay na suspek.

Sugatan naman sina PMajor  Dennis Duran at PSSG Glen Salac.

Batay sa report, isinagawa ng mga tauhan ng CIDG PFU Bataan, PIU Bataan, 2nd PMFC at Orion PNP ang joint buy-bust operation sa Purok 8, Barangay Gen. Lim, Orion dakong ala-1:00 ng madaling araw nitong Martes.

Subalit nakatunog ang mga suspek na sa halip sumuko ay nanlaban sa mga awtoridad. (NILOU DEL CARMEN)