LUCENA CITY – Arestado ang mag-utol sa isinagawang drug buy-bust operation ng mga awtoridad sa isang bahay sa Barangay Cotta sa lungsod na ito, nitong Biyernes ng umaga.

Kinilala ni Lucena City Police chief, Lt. Col. Reynaldo Reyes ang arestadong mga suspek na sina Bryan Dublas, 28, at Aljun Dublas, 24, kapwa residente sa nasabing lugar.

Ayon sa ulat ng Lucena PNP, pasado alas-6:00 ng umaga nang masakote ang mga suspek.

Nakumpiska sa pag-iingat ng mga ito ang 6 sachet ng hinihinalang shabu, drug paraphernalia at P500 bill na ginamit bilang marked money.

Kasalukuyang nakakulong sa Lucena Lock-up jail ang mga suspek na nahaharap sa kasong paglabag sa RA 9165 o Comprehensive Dangerous Drugs act of 2002. (NILOU DEL CARMEN)