PANSAMANTALANG sinuspinde ng Bureau of Immigration ang provincial operations nito sa panahon ng Semana Santa para magsagawa ng disinfection.

Ayon kay BI Commissioner Jaime Morente, ang maliliit na field offices ng kagawaran ay pansamantalang isasara bilang bahagi ng pagtiyak na ligtas ito sa COVID-19.

Matatandaan na ang  BI ay inilagay sa skeletal force,kasunod ng ipinatutupad na enhanced community quarantine.

“This move was done after a careful study, and it will definitely not affect our operations,” ani Morente. “Most offices have zero to two transactions per day due to the quarantine, add that to the fact that most international airports have also temporarily ceased operations,” dagdag pa niya.

Nilinaw pa ng opisyal na ang mga opisina na nag-o-operate malapit sa international airports, maging ang main office sa Intramuros ay mananatiling bukas. JOEL O. AMONGO