KINUMPIRMA ng Malakanyang na inaprubahan at nilagdaan na ni Pangulong Rodrigo Roa Duterte ang pagtatalaga kay LGen. Andres Centino bilang Chief of Staff ng Armed Forces of the Philippines (AFP) epektibo ngayong araw, Nobyembre 12, 2021.
“We are confident that Gen. Centino will continue the initiatives of his predecessors to bring lasting peace and development in the country while securing the State and upgrading our defense capability,” ayon kay Presidential spokesperson Harry Roque.
Hangad naman ng Malakanyang ang tagumpay ni Gen. Centino sa bago nitong gampanin bilang AFP Chief.
Samantala, pinalitan ni Centino si dating AFP chief of Staff Gen. Jose Faustino na nagretiro na sa serbisyo ngayong Biyernes.
Sa ulat, apat na pangalan lamang ang nasa shortlist na ipinadala ni Defense Secretary Delfin Lorenzana sa Pangulo.
Naging matunog ang pangalan nina Philippine Army Chief Lt. Gen. Andres Centino, Phil. Air Force Chief Lt. Gen. Allen Paredes, Navy Flag Officer in Command VAdm. Adelius Bordado.
Gayundin sina Southern Luzon Command Chief Lt. Gen. Bartolome Bacarro, Northern Luzon Command Chief Lt Gen. Arnulfo Burgos, Western Mindanao Command Chief
MGen Alfredo Rosario, Eastern Mindanao Command Chief LtGen. Greg Almerol at Visayas Command Chief MGen. Robert Dauz para pumalit kay Gen. Faustino. (CHRISTIAN DALE)
179 
