(NI LILY REYES)

NAILIPAT na ng Task Force on Media Security  (PTFOMS) sa House Committee on Labor  and  Employment  ang panukalang Media Workers Welfare Act.

Ayon kay PTFOMS Undersecretary  Joel Egco, hinihintay na lamang ngayon ang consultation at public hearing ng nasabing House Bill  No. 2476 na inihain ng bagong kongresista  na si  ACT-CIS Party List Rep. Nina Taduran.

Ang House Bill No. 2476 ay magkatuwang na binalangkas  ng Presidential Communications  Operations Office (PCOO) PTFOMS at ng ACT-CIS Party List .

Layunin nito na  mapalago at  maiangat  ang pamumuhay  ng mga nasa media industry  na may security of tenure dahil  karamihan umano sa mga mediamen  ay walang  Social Security System (SSS) at PhilHealth  contributions  maliban sa katotohanang  masyadong mababa ang sahod.

Base ito sa ginawang pag-aaral  lalo na at tumitindi ang media violence sa bansa.

Nalaman din  ang kawalan ng karampatang benepisyo at sahod  ng mga  taga-media at ito rin ang isa sa dahilan kung bakit may mga mediamen  na nagpapagamit sa mga politiko partikular na ang mga corrupt na politiko.

Kaugnay nito, umapela  si ACT-CIS Rep. Nina Taduran  sa lahat ng mga media personalities na suportahan  ang kanyang panukala  para agad itong lumusot sa Kamara.