UPANG maengganyong magturo sa mga marijuana plantation sites, magbibigay ng P2 milyong pabuya ang Philippine Drug Enforcement Agency (PDEA)-Cordillera sa a mamamayan na makiisa sa kampanya laban sa marijuana.

Sinabi ni Atty. Joseph Frederick Calulut, ng PDEA-Cordillera, magpapatuloy ang reward system ng ahensiya para matunton ang mga plantation site na kadalasan ay nasa mga liblib na lugar ng Baguio. Magiging confidential umano ang lahat ng pagkakakilanlan ng impormante. Noong nakaraang taon ay tatlong informants umano ang binigyan ng reward ng Cordillera matapos ituro ang tagong plantation site.