HINDI naging hadlang ang COVID-19 pandemic sa pamimigay ni Senator Cynthia Villar sa iba’t ibang public schools at farm schools sa buong bansa ng school chairs na gawa sa recycled plastic wastes.

Pinakahuling beneficiaries ng matitibay at pangmatagalang plastic chairs na ibinibigay sa pamamagitan ng Villar SIPAG (Social Institute for Poverty Alleviation and Governance), ang IP

(Indigenous Peoples) ng Barangay Laiban, Tanay, Rizal, at Conrazon Elementary School in Brgy. Bansud, Oriental Mindoro.

ibinigay ang mga silya sa IP sa tulong ng Multi Sectoral Advisory, 2nd Infantry Division sa Camp Capinpin, Tanay, Rizal.

Isinagawa naman ang turnover ng chair-donation sa Corazon Elementary School sa tulong ng 203rd Brigade ng Philippine Army sa ilalim ni B/Gen. Jose Augusto Villareal.

Bukod sa nakatutulong sa pagresolba sa suliranin ng pamahalaan kaugnay sa kakulangan ng school chairs, iginiit ni Villar na nababawasan din ang basura dahil sa recycling ng plastic wastes. “Eventually, the recycling plays a significant role in the government’s waste management program that would help create a clean and healthy environment,” ani Villar. inihayag din ng chairperson ng Senate environment committee na dahil sa recycling wastes, nagkakaroon din ng pangkabuhayan at kita ang mahihirap na komunidad at factory workers sa recycling facilities.

Ayon pa sa senador, makapagtatrabaho rin ang mga kababaihan sa recycling facilities upang matulungan ang kanilang mga asawa sa paghahanapbuhay.

Bilang masugid na environmentalist, binigyan diin ni Villar na plastic ang pangunahing basura base na rin sa buwanang clean-up activity sa Las Pinas-Parañaque Wetland Park (dating  Las Pinas-Paranaque Critical Habitat and Ecotourism Area (LPPCHEA).

“We have a lot of plastic wastes here in Metro Manila. When disposed improperly, they could clog our drainage systems and eventually cause flooding, which in turn spreads diseases,” ayon pa kay Villar.

Sinabi pa ni Villar na kailangan ang 20 kilo ng soft plastics gaya ng food wrapper para makagawa ng isang school chair na pwedeng gawin na mukhang kahoy at may replaceable parts, (ESTONG REYES)