NAGTATAG na ng Technical Working Group ang Inter-Agency Task Force (IATF) na tututok sa bagong variant ng COVID-19.

Sinabi ni Presidential spokesperson Harry Roque, magiging trabaho ng TWG na i- monitor at alamin kung may nakapasok nang bagong strain ng covid sa bansa.

Aniya pa, ang Technical Working Group din ang lilikha ng policy recommendation sa IATF partikular kung anong magiging tugon ng gobyerno sa bagong variant ng corona virus.

Magsisilbi umanong chair ng TWG si DOH Undersecretary Maria Rosario -Vergeire habang co-chair naman si Executive Director Jaime Montoya ng Philippine Council for Health Research and Development. (CHRISTIAN DALE)