DORMITORYO NG TRANSCO PARA SA FRONTLINERS

0

SA panahon ng malawakang sakuna at pangamba na dulot ng epidemya na tulad nang hinaharap ng Pilipinas ngayon, ang mga manggagawa sa sector ng kalusugan, ang pinakamahalaga.

Sila ang ­nangunguna sa pagharap sa pangangailangan ng taumbayan subalit dahil na rin sa karagdagang komplikasyon nang pagtigil ng pasada ng pampublikong mga sasakyan, isang malaking pasakit ang daramahin ng mga manggagawa sa sector ng kalusugan, upang mapagsilbihan ang mga mamamayan.

Upang matugunan ang hamon na ito, at sa panawagan ni Pangulong Rodrigo Roa Duterta, isinabatas ang “BAYANIHAN, TO HEAL AS ONE ACT” kung saan ang buong mekanismo at lakas ng pamahalaan at ng bawat sangay nito ay pinakikilos at pinapagtulong-tulong upang malampasan ng ­sambayanan ang krisis na kinakaharap nating lahat.
Isa sa mga adhikain ng batas na ito ay ang matugunan ang malaking hamon na humaharap sa ating mga kababayan sa sector ng kalusugan, kung paano maiibsan ang mga pasakit at sakripisyo nila, habang ginagampanan ang araw-araw na tungkuling alagaan at pagalingin ang mga kababayan nating biktima nang nakakahawang sakit na coronavirus disease 2019 o COVID-19.

Bilang pagtugon sa ­hamong ito, ang National Transmission Corporation (TransCo), sa pangunguna ni Atty. Melvin Matibag at ng kalihim ng Kagawaran ng ­Enerhiya na si Alfonso Gaba Cusi ay nagpasimula ng ­programa kung saan ang mga manggagawa ng Lung Center of the Philippines at ng ­National Kindy Institute ay maaring tumira pansamantala sa ipinatayong dormitoryo ng TransCo.

Ang Heal As One ­Dormitory, na nasa loob ng ­Bantayog ng mga Bayani sa Quezon Avenue, ay malapit na malapit lamang sa sinasabing mga pagamutan. Ang nasabing dormitory ay may labing apat na silid at mahigit apatnapung kama kung saan  ­mahimbing na makapagpapahinga ang hanggang isang daan at dalawampung (120) manggagawa ng nasabing mga ospital. Kasama sa serbisyong ibibigay ng TransCo sa mga magiging bisita ay ang libreng pagkain ng almusal, tanghalian at hapunan at pagsundo at paghatid, gamit ang lahat ng sasakyan ng kawanihan.

Sa oras ng kanilang pamamahinga, maari din silang magsaya habang ginagamit ang iba’t ibang home entertainment system at cable tv na ipinakabit sa dormitory.  Kung nais din nila ng makabuluhang pagmumuni-muni, mayroong park at garden sa loob ng compound ng TransCo. Maaari din nilang bisitahin ang museo ng mga Bayani kung nais nilang mapukaw ang kanilang pag-iisip habang nagtatanggal ng pagod.

Ang lahat ng ito ay buong pusong ibinabahagi ng TransCo sa mga Makabagong Bayani ng  ating ­Inang Bayan.

Read More

DSWD : P5K FOOD, P3K CASH SA P8K NG GOBYERNO

PUNA
0

HINDI maintindihan ng PUNA itong si Department of Social Welfare and Development (DSWD) Spokesperson Irene Dumlao kung saan siya humugot ng desisyon patungkol sa ayuda ng pamahalaan na P5K-P8K na pamimigay sa 18 milyong mahihirap na ­pamilyang Pinoy.

Napakinggan ng inyong lingkod ang interview kay Dumlao ng isang kilalang broadcaster sa radio at ­telebisyon kung saan sinabi nito na kanilang gagawin ay P3, 000 lang  ang cash na kanilang ipamimigay at ang P5, 000 ay ‘in kind’ para makumpleto ang P8,000 para sa mga benipesaryo na nakatira sa National Capital Region (NCR).

Ayon sa kanyang paliwanag ang ‘in kind’ na P5K na kanyang sinasabi ay ibibili nila ng food items at ito ang kanilang ibibigay sa mga ­benepisyaryo sa NCR kasama ng P3K cash para sa kauuang P8K.

Sa pinaigsing kwento ­tatlong libong pera (P3k) lang ang cash at limang (P5k) halaga ay food items ang kanilang ipamamahagi.

Ano kaya nasa isip ni Maam Dumlao bakit niya sinabi ito?

Habang tinitipa nina ­Senate President Tito Sotto at kampo ni House Speaker Allan Peter Cayetano ang panukalang pagbibigay ayuda sa pamilyang mahihirap ay malinaw pa sa sikat ng araw na cash ang pinag-uusapan ang kanilang ibibigay.

Sa loob ng 18-oras ay nabuo ang “Bayanihan to Heal as One Act” (RA 11469) na pinaglaanan ng dalawang daang bilyong piso (P200B).

Ilang araw pa lang ang nakakaraan matapos na lagdaan ni Pangulong  ­Rodrigo Duterte ang panukalang batas ay nag-iba na ang deklarasyon ng DSWD.

Ang orihinal ay cash na P8,000 ay naging P5,000  na halaga ng food items at P3, 000 lang ang cash?

Tama ba ako Maam Irene Dumlao sa narinig ko po ang inyong statement sa radio na may telebisyon pa?

Hindi kayo makakatanggi dahil nai-record ko po ang inyong sinabi.

Baka nakalimutan n’yo na may trauma na ang taumbayan sa nangyaring Bagyong Yolanda noong 2009.

Pinakaapektado ay ang Region 8 na ang ­sentro ay Tacloban City ngunit ­marami sa mga taga-Region 8 ay umusok ang kanilang galit sa DSWD at kay Mar Roxas dahil sa kabila ng ­napakaraming relief goods na donations ay marami rin sa kanila ang nagutom.

Kung naipamahagi ng tama ng DSWD ang ­donasyon ay sobra-sobra ang pagkain ng mga naapektuhan ng Yolanda.

Balik po tayo ngayon sa P5,000-P8,000 financial assistance na pinadaan sa DSWD, ‘wag po kayong magkakamali dahil ­maraming nakatingin na mga mata sa inyo.

Sabi nga ni Pangulong Duterte ‘wag ngayon!

Sa inyong statement ­nagreact na si Sen. Sotto hindi raw yan ang gusto nila.

Kaya gusto nilang cash na pera ang matanggap ng mga tao para sila na ang bahalang bumili ng kanilang gusto hindi laging delata ang kanilang kinakain.

At mayroon naman daw natatanggap mula sa mga barangay at Local ­Government Units (LGUs) kaya dapat naman ang manggagaling na sa national government ay cash na.
Rason pa ni Dumlao na kaya daw P5k halaga ng food items  sa P8k ang kanilang ipamimigay para hindi na lumabas pa ang mga tao para bumili at para maipatupad ang tamang social distancing.Sabi tuloy ni Mang Gorio na isang barbero, hindi bagay sa kanila ang social distancing dahil hindi naman sila social.

Pwede daw sa kanila ay ‘Distancia Amigo’ dahil karamihan sa kanilang hanapbuhay ay driver.

Abangan na lang po natin kung anong gagawin nila Tito Sen at Speaker Cayetano sa sinabi ni Dumlao.

Lagi po tayong mag-ingat lilipas din ang krisis na ito sa tulong ni Lord.

oOo

Para sa suhesyon at reaksyon mag-email ­joel2amongo@yahoo.com at operarioj45@gmail.com.

Read More

NEGROS OCCIDENTAL NILINDOL

0

NAITALA ngayong hapon ang magnitude 4.5 na lindol sa lungsod ng Sipalay sa Negros Occidental.

Nabatid mula sa Philippine Institute of Volcanology and Seismology (Phivolcs), naitala ang lindol dakong alas-2:42 ng hapon sa layong 37 kilometro ng Sipalay City.

Tectonic ang pinagmulan ng lindol na may lalim na walong kilometro.

Batay sa instrumento ng Phivolcs, naitala ang Intensity III sa Sipalay City, Negros Occidental at Intensity II sa Bago City, Negros Occidental.

Wala nang inaasahan ang Phivolcs na pinsala at aftershocks sa pagyanig. JG TUMBADO

Read More

INDIAN NATIONAL HULI SA OVERPRICED SCANNER

0

BINITBIT ng mga tauhan ng Criminal Investigation and Detection Group (CIDG) Manila, ang isang 31-anyos na Indian national makaraang mabuking sa overpricing at hoarding ng thermal scanner sa Sta. Cruz, Manila, iniulat kahapon.

Sinampahan ng kasong paglabag sa RA 7581 (Price Act) as amended by RA 10623 and RA 7394  Consumer Act of the Philippines), Article 14 of the RPC (Aggravating Circumstances),  DTI  Memorandum Circular No. 20-07 “Anti-Hoarding and  Anti-Panic Buying” at Proclamation No. 922 of PRRD, ang suspek na si Mukesh  Chandwani, account manager at  residente ng  #9 Indigo St., Stella Maris, Pasig City.

Batay sa ulat ng CIDG -Manila, nakatanggap ng impormasyon ang pulisya kaugnay sa overpricing ng thermal scanner ng ALT Hospital and Medical Supplies sa 1463 Rizal Avenue sa panulukan ng Alvarez St. sa Sta. Cruz.

Agad nagsagawa ng buy-bust operation ang CIDG kasama ang mga tauhan ng Manila Police District-Station 3 at Department of Trade and Industry (DTI) bandang alas- 12:50 ng hapon.

Pagkaraan ay mabilis na dinakma ng mga awtoridad ang suspek nang abutin nito ang bayad sa thermal scanner na P5,000 ang halaga gayong P3,400 lamang ang suggested retail price ng DTI. (RENE CRISOSTOMO)

Read More

P15-M FACE MASK NASABAT NG CIDG  

0

AABOT sa halagang P15,120,000 ang face masks na nakumpiska ng mga tauhan ng PNP-Criminal Investigation and Detection Group (CIDG)- Anti-Transnational Crimes Unit (ATCU) kasunod ng entrapment operation sa Multinational Village, Brgy. Moonwalk, Paranaque City.

Sa ulat na isinumite kay PNP chief Directorial Staff for Operation at pinuno ng Joint Task Force COVID-19 Shields Lt. Gen. Guillermo Eleazar, isang Wang Lin ang itinuturong bigtime hoarders at profiteers.

Sinasamantala umano ni Wang lin ang kakulangan ng face mask sanhi ng umiiral na coronavirus 2019 disease sa bansa para mag-imbak at pataasin ang presyo ng medical supplies, Sinasabing sangkot ito sa “hoarding, profiteering, injurious speculation of prices, product deceptions and cartels, monopolies or other combinations in restraint of trade or other pernicious practices affecting the supply”.

Ang pagsalakay ng mga operatiba ng CIDG ay bunsod ng reklamong inihain ng dalawang testigo na pinuwersa umano ng suspek na magbenta ng face masks sa doble-dobleng halaga.

Kabilang sa mga ebidensyang nakumpiska ng mga awtoridad ang 270 carton boxes na naglalaman ng 540,000 piraso ng face masks, at entrapment money na P1,000 bill at boodle money. (JESSE KABEL)

Read More

LALAKI SA QC KALABOSO SA PAGYAYABANG NG BARIL

0

INARESTO ng Quezon City Police District (QCPD) ang lalaking nagyabang umano ng kanyang mga baril sa gusali ng Eastwood City Cyberpark sa Barangay Bagumbayan, Quezon City.

Ayon sa QCPD-Criminal Investigation and Detection Unit, nakatanggap sila ng reklamo na nuong Marso 30 ay naglabas ng kanyang mahabang armas ang suspek na si Jose delos Santos III, 46-anyos, habang nasa loob ng gusali kung saan siya naninirahan.

Nauna rito, nabatid sa QCPD na tumanggap ng delivery si delos Santos na hindi para sa kanya.

Makikita naman sa nag-viral na video sa social media na sinapak ni delos Santos ang delivery boy ng fastfood chain habang nasa lobby ng gusali at sinundan pa nito ang tumakbong papalabas na biktima at pinagmumura.

Habang sinisiyasat ang insidente ay muling nakatanggap ng reklamo ang QCPD na naglabas na naman ng kanyang armas si delos Santos na nagdulot ng panic sa mga tao ruon.

Agad na nagdispatsa ng mga tauhan ang QCPD para imbestigahan ang suspek sa kanyang tinutuluyan.

Bukod sa dalawang 9mm na baril ay nakarekober ang QCPD ng isang hand grenade mula sa suspek.

Batay pa sa dalawang video na itinuturong kuha umano ng suspek, parehong pinaputok ang isang 9mm na baril at isang long firearm mula sa bintana ng yunit ni delos Santos.

Nahaharap ngayon si delos Santos sa kasong paglabag sa Republic Act 10591 o Illegal Possession of Firearms and Ammunition at Republic Act 9516 o illegal possession of explosives.

Irerekomenda ng QCPD na mabawi ang rehistro ng baril ng suspek at ang kanyang lisensya na makapagbitbit ng armas sa labas ng tahanan. JG TUMBADO

Read More

‘SHOOT TO KILL’ SA NAGUGUTOM PINALAGAN

0

PINALAGAN ni Senador Panfilo Lacson ang bantang “shoot to kill” order ni Pangulong Rodrigo Duterte sa sinomang manggugulo dahil sa gutom sa panahon ng enhanced community quarantine (ECQ) dahil wala naman bago sa kanyang pagbabanta.

Sa pahayag, sinabi ni Lacson na eksaherado at marahas ang banta ni Pangulong Duterte sa mga nagugutom na “troublemakers” dahil kapos ang paghahatid ng pangunahing serbisyo sa naiipit na mamamayan.

“Definitely, the President’s warning to have “troublemakers” during the enhanced community quarantine shot was exaggerated and harsh. But coming from this President, what else is new?,” ayon kay Lacson.

Pero, aniya, dapat din imbestigahan ng awtoridad ang sinasabing “riot” sa Quezon City dahil sa protesta ng mga nagugutom umanong residente upang matukoy kung may katotohanan ang reklamo o mayroon lamang nag-uudyok sa mga ito.

Pero, aniya, hindi naman sinasabi na lahat ng protesta sa panahon ng ECQ ay politically instigated. ESTONG REYES

Read More

‘DI NAGAMIT NA ENERHIYA SA ECQ ‘WAG SINGILIN SA CONSUMERS

0

KINALAMPAG ni Senador Sherwin “Win” Gatchalian ang Energy Regulatory Commission (ERC) at power generating companies (GenCos) na palambutin ang ilang probisyon sa Power Supply Agreement (PSAs) upang hindi magbayad ang consumer sa hindi nagamit na reserbang kuryente dahil bumagsak ang pangangailangan sa enerhiya sa panahon ng enhanced community quarantine (ECQ).

Sa pahayag, pinangangambahan ni Gatchalian na pagbabayarin ang mga Pinoy consumer sa enerhiya na hindi nakonsumo kung hindi palalambutin ng ERC at GenCos ang probisyon sa PSAs na inaatasan ang mga distribution utilities (DUs) na bumili ng minimum amount ng elektrisidad.

Iginiit ng mambabatas na mapipilitan ang DUs na bayaran ang katumbas na halaga ng elektrisidad mula sa GEnCos dahil mababa ang pangangailangan. Aniya, mapipilitan din ang consumers na pasanin ang pagbabayad nito kahit hindi nila nakokonsumo.

“The demand for electricity plunged by 30%. And while there has been an increase in residential demand, most of the economic activities have slowed down as well as other activities in the energy sector,” ayon sa senador.

Dahil dito, umapela si Gatchalian sa ERC at GenCos na huwag ipapasan sa consumer ang bayarin sa kritikal na panahon. ESTONG REYES

Read More

NEGOSYO TUTULUNGANG MAKABANGON

0

MAY ikinakasa na ang Department of Trade and Industry na pagpapatupad ng isang programa na tutulong sa mga negosyante para makabawi at makabangon sa mga nalugi nitong kita dulot ng krisis dahil sa COVID 19.

Ayon kay IATF spokesman at Cabinet Secretary Karlo Nograles, inihahanda na ng DTI ang Enterprise Rehabilitation Financing Program o ERF.

Aniya, isang bilyong piso ang inihandang pondo para dito ng gobyerno na ang layunin ay matulungan ang mga bumagsak na negosyo sa paraang sila ay makapagsimulang muli.

Layon aniya ng nasabing programa na maagapang magsara ang isang negosyo at mapangalagaan ang isang trader na mawala ang kanyang business assets.

Samantala, ikakasa ang  Enterprise Rehabilitation Financing Program o ERF sa sandaling tanggalin na ang quarantine restrictions. CHRISTIAN DALE

Read More