TSUPER NG BOOM TRUCK NAABO

0

NORTH COTABATO – Magkasamang nasunog ang drayber at ang boom truck matapos itong lumiyab nang aksidenteng mahagip ang linya ng kuryente sa Purok 2, Barangay New Janiuay, Mlang sa lalawigang ito, kahapon.

Kinilala ni PMaj. Realan Mamon, Chief of Police ng Mlang PNP ang namatay na biktima na si Noel Ababa, 47 anyos, residente ng Purok B, Mlang.

Sa inisyal na report ng Mlang PNP, alas-2 ng hapon habang ibinababa ng driver ang mga kargang semento ng truck sa naturang lugar ay aksidenteng nasagi nito ang linya ng kuryente na naging sanhi ng pagkasunog ng boom truck.

Bigo namang makababa ang drayber sa boom truck kaya kasama itong nasunog at binawian ng buhay.

Sa ngayon, nasa Confreros Flores Funeral Home sa naturang bayan ang mga labi ng biktima para sa gagawing post mortem examination. (BONG PAULO)

Read More

NATIONAL ID TULONG SA PAGBANGON NG EKONOMIYA

0

TIWALA si Senador Panfilo Lacson na bibilis ang pagbangon ng ekonomiya ng bansa kung ganap na maipatutupad ang Philippine Identification System (PhilSys) Act o ang National ID.

Ito ang sinabi Lacson, isa sa mga may-akda at ang sponsor sa Senado ng naturang batas, na ngayon ay nasa inisyal na bahagi na ng pagpapatupad.

“The lack of identification creates formidable barriers for the downtrodden and the poor, and creates even larger barriers between the government and the people. Hence, we should push for the implementation of the National ID if we want to further strengthen our response not only against the pandemic, particularly in the roll-out of the much-awaited vaccines, but in many of our future endeavors,” paliwanag ni Lacson sa kanyang pagsasalita sa pangatlong taunang economic and political briefing ng Colegio de San Juan de Letran Graduate School.

Ang ganap na implementasyon ng nabanggit na batas ay itinulak ni Lacson matapos bumulaga ang 9.5 porsiyentong pagbulusok ng ekonomiya ng Pilipinas nitong 2020 bunga ng pananalasa ng COVID-19 pandemic.

Ayon sa mambabatas, mapabibilis ng National ID ang pakikipagtransaksiyon ng publiko sa mga ahensiya ng pamahalaan at masisinop din ng gobyerno sa pamamagitan nito ang lahat ng aspeto ng usaping pananalapi para magamit sa pag-ayuda sa ekonomiya.

Aniya, ang dalawang ito ay nararapat na agad magawa sa ilalim ng kasalukuyang kondisyon ng Pilipinas.

Dagdag pa ni Lacson, susi sa matagumpay na vaccination program ang National ID dahil mapabibilis nito ang proseso hanggang sa marating ng bansa ang tinatawag na herd immunity.

“Once we have that herd immunity, where about 75 to 80 percent of the population are vaccinated, we can move around, go on and resume our economic activities,” ayon kay Lacson.

Binanggit din ng senador na kung naging mabilis at maagap ang implementasyon ng National ID noon pa, hindi sana nagkaroon ng matinding kalituhan sa pamimigay ng ayuda ang gobyerno sa mga nangangailangan noong mga unang buwan ng pandemya.

Ayon pa sa mambabatas, ang pagkakaantala ng pagbibigay ng ayuda sa ilalim ng Social Amelioration Program (SAP) sa mga nangangailangan ay nakasama sa ekonomiya.

“It imperils the generation of employment and resumption of economic activities in the ‘new normal,'” banggit ni Lacson.

Sa ganap ng pagpapatupad ng National ID System, tinitiyak din ni Lacson na hindi malalagay sa alanganin ang pribadong buhay ng isang indibiduwal dahil ang mga mga impormasyong kukunin sa mga ito ay pawang mga basic data lamang.

Patuloy rin aniya ang ginagawang pagsasaayos pa ng pamahalaan upang higit na maging ligtas sa publiko ang pagpapatupad ng naturang batas.

“The National Economic and Development Authority and the Philippine Statistics Authority are continuously trying to innovate to ensure the security of the implementation of the National ID system,” ayon pa kay Lacson. (NOEL ABUEL)

Read More

MGA MAGSUSULONG NG POLITICAL INTERES SA CHACHA, INUPAKAN

0

NANINDIGAN si Senador Ronald ‘Bato’ dela Rosa na pokus lamang sa economic provisions ang isinusulong nilang Charter change kasabay ng pagbatikos sa mga mambabatas na posibleng magsamantala at ipasok ang kanilang political interest.

“Halata na masyado ‘yan kapag gagawin ng mga congressman at senador yan. Mga kupal na yang mga tarantado na ‘yan,” diin ni Bato.

“Alam naman nila ang habol lang eh, economic provisions tapos sa kanila pansariling interes, kupal na masyado ang mga ‘yan kapag ‘yan isasali pa nila. Kung ang para sa kabutihan ng sambayanan singitan nila ng pansariling interes halata na masyado. Hindi naman lahat ng congressman kupal,” diin pa nito.

Naniniwala rin si Bato na may sapat pa silang panahon para isulong ang pagbabago sa economic provision ng konstitusyon kahit mahigit isang taon na lamang ang Duterte administration.

“What can you do sa more than 1 year, napakarami. Kung gusto maraming paraan, ‘pag ayaw maraming dahilan,” diin nito. (DANG SAMSON-GARCIA)

Read More

DRUG PERSONALITY PATAY SA PDEA-MILITARY OPS

0

ISANG notoryus na drug personality ang napaslang ng pinagsanib na puwersa ng Armed Forces of the Philippine-Western Mindanao Command at Philippine Drug Enforcement Agency sa inilunsad na anti- narcotics operation nitong Sabado ng umaga sa South Ubian, Tawi-Tawi.

Ayon kay Western Mindanao Command chief, Lt. Gen. Corleto Vinluan, Jr., sinalakay ng pinagsanib na puwersa ng Marine Battalion Landing Team-6 at Philippine Drug Enforcement Agency-IX ang lugar na pinaglulungaan ng drug suspects na sinasabing responsable sa illegal drug trade sa Barangay Bintawlan (Bintawlan Island), South Ubian.

“Sensing the presence of the government forces, the target personalities open fired which forced our troops to retaliate,” ani Lt. Gen. Vinluan, Jr.

Sa kasagsagan ng putukan, isang drug personality ang napatay at isang M16 rifle, isang M14 rifle, isang cal. 45 pistol, at assorted drug paraphernalia ang nasamsam ng mga awtoridad.

“Our troops continue to scour the area while the neutralized personality and seized items were turned over to the PDEA for proper disposition,” pahayag naman ni Lt. Col. Noel Calendatas, commanding officer ng MBLT-6.

Pinapurihan naman ni Brig. Gen. Arturo Rojas, commander ng Joint Task Force Tawi-Tawi, ang mga mga sundalo at mga operatiba ng PDEA sa nasabing successful operation.

“This is attributable to the strengthened collaboration among the intelligence, military, and other law enforcement agencies. This is a testament that superb collaboration and cooperation results in high performance of the government’s security forces,” ani Brig. Gen. Rojas. (JESSE KABEL)

Read More

MAGKATABING BOTIKA, MINI MART SINALAKAY NG MAGNANAKAW

0

LAGUNA – Gayun na lamang ang panlulumo ng dalawang negosyante nang matuklasan ang pagnanakaw sa kanilang tindahan ng mga hindi pa nakilalang lalaki sa Barangay Makiling, Calamba City kahapon.

Lumitaw sa ulat ng pulisya na unang natuklasan ng may-ari ng Korean mini mart ang pagnanakaw at nang mag-usisa sa katabing drug store ay nalaman nilang nilimas din ito ng mga salarin.

Ayon sa Calamba City Police Station, ang pangyayari ay iniulat sa kanila ng may-ari ng drug store na si John Carlos Francisco Mamaril, 24-anyos, taga-Sta. Rosa City.

Una umanong nalaman ni Marilou de Guzman, 45, na pinasok ng magnanakaw ang kanyang mini mart nang magbukas siya noong Biyernes ng alas -7:00 ng umaga. Agad niyang tinawagan si Mamaril at nang magbukas din ito ay natuklasan nilang kapwa sila nabiktima.

Wasak umano ang roll up gate ng mini mart na nagawang sirain ng mga magnanakaw nang walang nakapansin dahil walang security guard ang establisimyento.

Pinag-aaralan na ng Calamba CPS ang mga kuha sa CCTV upang matukoy ang pagkakakilanlan ng mga salarin. (CYRILL QUILO)

Read More

HOLDAPER NATIMBOG SA IMBURNAL

0

CAVITE – Natimbog habang nagtatago sa imburnal ang isang 23-anyos na lalaki makaraang holdapin at tangayin ang mahigit P14,000 kita ng isang kilalang convenience store sa bayan ng Rosario sa lalawigang ito.

Nabawi naman ang P14,093 cash sa suspek na si Philip Privandos ng Brgy. Muzon II, Rosario, Cavite makaraang ireklamo ni Jojo Mape, security officer ng 7-11 Convenience Store, Rosario branch.

Sa ulat ni Corporal Ahvegail Darang ng Rosario Municipal Police Station, dakong alas-1:40 Sabado ng madaling araw habang nagpapatrulya ang mga operatiba ng Mobile Patrol ng Rosario MPS, nang ipaalam sa kanila ng isang service crew ang nangyaring panghoholdap ng suspek sa kanilang tindahan at tinangay ang kita ng convenience store na matatagpuan sa Brgy. Poblacion, Rosario Cavite branch.

Itinuro ng nasabing service crew na tumakbo ang suspek sa direksiyon ng Brgy. Silangan ng naturang bayan.

Agad namang hinalughog ang lugar at nataguan ang suspek habang nagtatago sa imburnal na nagresulta sa pagkakaaresto kay Privandos at nabawi ang kinulimbat na pera at ginamit na kutsilyo sa panghoholdap. (SIGFRED ADSUARA)

 

Read More

2 MOST WANTED, 31 TULAK DINAMPOT SA CAVITE

0

CAVITE – Nakorner ng Cavite police ang tinaguriang top 1 and 2 most wanted persons habang 31 hinihinalang tulak ng ilegal na droga ang arestado sa isinagawang buy-bust operation sa magkakahiwalay na lugar sa lalawigang ito.

Ayon sa ulat ng Cavite Police Provincial Office (PPO), dakong alas-6:00 noong Biyernes ng hapon nang maaresto si Amelia Tengco, 47, isang balo at negosyante, ng Block 37, Lot 16, Phase 6, Legian 2, Brgy. Carsadang Bago 2, Imus, Cavite, na tinaguriang top 1 wanted person, city level, ng pinaganib na puwersa ng Batangas City Police Station at Imus CPS, sa Brgy. Carsadang Bago 2 ng naturang lungsod, dahil sa kasong 4 counts na estafa.

Arestado rin si Angelo Enmacino, 36, ng Brgy. Kaybagal Central, Tagaytay City, na tinaguriang top 2 wanted person, city level, sa isinagawang operasyon laban sa most wanted persons, dakong alas- 2:25 noong Biyernes ng hapon, sa Brgy. Kaybagal Central, Tagaytay City dahil sa kasong qualified theft.

Umabot naman sa 31 hinihinalang mga tulak na droga ang dinampot sa isinagawang buy-bust operation sa magkakahiwalay na lugar sa Cavite.

Ayon sa ulat, sa pagitan ng alas-12:30 ng umaga noong Biyernes hanggang alas-2:30 madaling araw nitong Sabado nang isinagawa ang buy-bust operations sa anim na lungsod at tatlong bayan.

1Nanguna sa listahan na may pinakamaraming tulak na dinampot ang bayan ng Tanza na may 7; sumunod ang General Mariano Alvarez (6); Gen. Trias City (5); Imus City (4); tig-3 ang Cavite City at Bacoor City; at tig-1 ang Trece Martires City at Maragondon. (SIGFRED ADSUARA)

Read More

Ilalagay ng DENR sa bawat barangay YELLOW BIN PARA SA USED FACE MASK, FACE SHIELD

0

NAKABABAHALA ang pagtaas ng bilang ng mga ginamit na face shields, face masks at itinatapong mga gamit na bagay na may kaugnayan sa COVID 19 pandemic sa level ng mga barangay sa nakalipas na ilang buwan.

Mayroon ding iilang mga tao ang gumagamit ng mga guwantes o rubber gloves bilang dagdag na pag-iingat at proteksyon.

Pero matagal nang ikinababahala ng environmentalist groups ang pagdami ng mga naitatapong face mask at face shield na hindi naman nabubulok.

Gayunman, sinabi ni Environment Undersecretary Benny Antiporda, hindi naman maaaring tukuyin ang volume nito dahil maaaring pagmulan na naman ng diskusyon ng ibang sector ng lipunan.

Kaya sa halip, nakapokus aniya ang DENR sa pagtiyak na mahahakot nang maayos ang mga nabanggit na patapon na tinatawag na “household health care waste” dahil sa kontaminasyon na maaaring maidulot nito.

“These are all being used to protect lives, ‘yun ang main objective niya and yet pagdating sa disposal nade-defeat ang purpose niya dahil sa indisciminate na pagtatapon,” sabi ni Usec. Antiporda.

Alinsunod sa pandemic protocols ng bansa, kinakailangang naka-face mask at face shield ang mga lalabas ng bahay para mapigilan ang pagkalat ng coronavirus disease (COVID-19).

Plano aniya ng tanggapan na maglaan sa bawat barangay ng mga dilaw na trash bin para roon itapon ng mga residente ang ganoong uri ng basura.

“Kapag pira-piraso lang ang itatapon sa loob ng bin kapag naipon na sa bahay, ilagay sa maayos na sisidlan at i-seal nang maayos and ilagay sa tabi ng yellow trash bin kasi kapag dinaanan na po ‘yan ng truck ng basura alam na nila na suspected contaminated waste po iyan, hindi po iyan ihahalo kapag nagtapon tayo ng household waste. Again, this will serve as a sign na segregate na-household health care waste para maproteksyunan ang mga magpi-pick up ng ating mga basura,” ” sabi ni Antiporda.

Aminado ang opisyal ng DENR na hindi lahat ng barangay ay mabibigyan ng yellow bin dahil sa kakulangan ng pondo, kaya naman umaapela si Antiporda sa mga lokal na pamahalaan na maglaan din ng sari-sariling disposal area para sa household health care waste sa kani-kanilang mga barangay.

“Susuportahan po sila ng national government, very cooperative naman po sila when it comes to health protocols, eh maisama pa rin siya sa health protocol para hindi ma-defeat ang purpose ng pagtatapon ng face masks,” sabi pa ni Antiporda. (DAVE MEDINA)

Read More

Bakuna galing Amerika parating na rin US NAGKALOOB NG P24-M SA PINAS PARA SA IMMUNIZATION

0

NAGKALOOB ang Estados Unidos ng mahigit P24-milyon upang makatulong sa immunization program ng Pilipinas laban sa measles, rubella, at polio.

Sa isang pahayag, sinabi ng US Embassy na nakipag-partner sa pamahalaan ng Pilipinas at iba pang development partners ang US government, sa pamamagitan ng US Agency for International Development (USAID), upang ilunsad ang second phase ng Measles-Rubella at Oral Polio Vaccine Supplemental Immunization Activity.

Target ng naturang immunization campaign ang mahigit sampug milyong kabataan sa buong Visayas, Metro Manila, Central Luzon at Calabarzon.

Ito ang dahilan kung kaya’t nakipag-ugnayan si USAID Philippines Mission Director Lawrence Hardy II sa mga kinatawan ng gobyerno ng Pilipinas na kinabibilangan nina Department of Health (DOH) Secretary Francisco Duque III, Cavite Rep. Luis Ferrer IV, at General Trias Mayor Antonio Ferrer para sa paglulunsad ng national campaign sa General Trias City Medicare Hospital sa Cavite.

Layon ng gobyerno ng Pilipinas na mabakunahan laban sa polio ang 4.8-milyong kabataan na nasa edad lima pababa, at 5.1-milyon naman laban sa tigdas at rubella.

Sa pamamagitan ng partnership sa UNICEF, kasama sa tulong ng USAID ang technical expertise, logistics support at community engagement para sa vaccination campaign.

Samantala, kinumpirma naman ni Philippine Ambassador to United States Jose Manuel Romualdez na halos 56 million COVID-19 vaccine doses na gawa ng American pharmaceutical companies ang inaasahang darating sa Pilipinas sa buwan ng Mayo.

Sinabi ni Romualdez, ang COVID-19 vaccine doses na ito ay ipadadala sa Pilipinas sa tulong ng COVAX facility – ang global collaboration ng manufacturers at mga eksperto upang mapabilis ang development, produksyon, at pantay na access ng mga bansa sa COVID-19 tests, treatments at bakuna.

Ayon sa kalihim, simula pa noong Mayo 2020 ay nakikipag-ugnayan na ito sa pharmaceutical companies sa Amerika upang magkaroon agad ang bansa ng access sa COVID-19 vaccine supplies na naging matagumpay naman.

Inihayag pa ni Romualdez, mayroon na itong nabuong kasunduan sa Novavax, Moderna, at Johnson & Johnson para sa 30 million doses, 20 million doses, at six million doses ng mga bakuna.

Kung maalala, ang COVID-19 vaccine ng Pfizer-BioNtech ang unang nabigyan ng emergency use authorization (EUA) mula sa Food and Drug Administration sa Pilipinas matapos mabatid na 92% hanggang 95% ang efficacy rate nito.

Sumunod na nabigyan ng EUA ang British firm na AstraZeneca dahil sa 70% efficacy rate nito.

Ayon kay Romualdez, nakikipag-ugnayan pa ito sa Pfizer kung maaaring padaliin ang pagpapadala ng mga bakuna nito sa Pilipinas sa pamamagitan ng COVAX facility.

Sa ngayon ay mayroon nang 17 million COVID-19 vaccine doses supply ng AstraZeneca ang pamahalaan ng Pilipinas. (JESSE KABEL)

Read More