FREE INSURANCE COVERAGE SA PINOY ATHLETES ISINUSULONG

(NI ESTONG REYES)

ISINUSULONG ni Senador Manuel ‘Lito’ Lapid ang isang panukalang batas na magbibigay ng libreng insurance coverage sa lahat ng professional Filipino athletes na nakikipagpaligsahan sa pandaigdigang torneo.

Ito ay bilang bahagi na rin ng pagbibigay ng parangal at pagkilala sa mga sakripisyo nila para sa bayan.

Ayon kay Lapid, dapat lamang bigyan ang ating mga atleta ng insurance protection, partikular yaong mga kumakatawan sa bansa sa international competitions.

“Nais nating ibigay ang nararapat na suporta at parangal para sa ating mga atleta na dugo at pawis ang pinupuhunan para lamang maikatawan ang ating bansa sa mga international sports competitions,” ayon kay Lapid.

Sa ilalim ng  Senate Bill No. 1152 o kikilala rin bilang  “Professional Filipino Athletes Insurance Benefits Act,” magbibigay ang estado ng insurance benefits kabilang ang medical expenses, travel insurance at death benefits sa lahat ng professional Filipino athletes na nakikipagpaligsahan sa international o world championship games.

Sakop ng insurance coverage ang lahat ng mga atletang kumakatawan sa bansa, indibidwal man o buong team, sa international tournaments.

Sinabi ng senador na sakaling maipasa ang panukala, aatasan ang Games and Amusement Board (GAB) at Philippine Sports Commission (PSC) na isama kaagad sa kanilang program ang implementasyon ng benepisyo na isasama din sa taunang General Appropriations Act.

“This bill aims to recognize the honor, glory and pride that the the Filipino athletes are bringing to the Philippines as they represent the country in the SEA Games and other prestigious tourneys,” ayon kay Lapid.

Ayon sa PSC, bilang host ng 30th SEA Games, Pilipinas ang may pinakamalaking delegasyon ngayong taon na may 1,115 athletes at 753 coaches.

Please follow and like us:
Read More

8 GOLDS SISIKWATIN NG PHL SKATEBOARDING TEAM SA SEAG

PINANINDIGAN ng Skateboarding and Roller Sports Association of the Philippines ang nauna nilang pahayag na wawalisin nila ang walong ginto sa 30th Southeast Asian Games.

“Yes, we’re looking at sweeping all of our eight events in the SEA Games,” sabi ng presidente nitong si Monty Mendigoria.

Paliwanag niya, “I am confident of my projection because when we decided on what events to play, I was told by (Philippine Olympic Committee president) Cong. Bambol (Tolentino) to put in those where we can surely win the gold medal.”

Target umano ng grupo nila na maging ‘most bemadalled federation’ sa darating na biennial meet sa darating na November 30 hanggang December 11.

“And I can say that we are unbeatable in all of the events that we have included,” pagmamalaki pa ni Mendigoria.

Kinokonsiderang ‘powerhouse’ sa buong rehiyon ang Filipino skateboarders sa pangunguna ni Margielyn Didal, ang kasalukuyang kampeon sa women’s street event sa Asian Games, kasama sina Christiana Means, Jericho “Kiko” Francisco at iba pang magagaling na Filipino-foreign athletes mula Europe at United States.

Maliban sa mga nabanggit, hindi na pinangalanan muna ni Mendigoria ang iba pang miyembro ng national team upang hindi umano ma-scout ng ibang mga bansa gaya ng Thailand at Malaysia.

“We are very optimistic,” dagdag nito kasabay ang paninigurong pawang world-class ang mga isasabak nila.

Kaugnay nito, pinasalamantan niya ang all-out support ng Philippine Sports Commission (PSC) sa kanilang grupo.

“The PSC and chairman William Ramirez are behind us 150 percent. Although there are some delays, they still make sure to provide everything we need as far as our training and preparations for the Southeast Asian Games are concerned.”

“That’s why we are working hard. We want to repay the trust of the PSC and our private sponsors by coming up with a victorious performance in the upcoming SEA Games,” sabi pa ni Mendigoria.

Please follow and like us:
Read More

RENOBASYON NG RMSC: TAPOS BAGO MAG-SEAG

(NI VT ROMANO)

MATATAPOS bago magsimula ang 30th SEA Games ang mga renobasyon ng sports facilities sa loob ng Rizal Memorial Sports Complex (RMSC).

Ito ang kumpiyansang inihayag ni Philippine Sports Commission (PSC) Chairman William ‘Butch’ Ramirez, base na rin aniya sa pahayag ng mga contractor ng anim na major facilities na gagamitin sa biennial meet sa Nobyembre 30 hanggang Disyembre 11.

Ayon kay Ramirez, ang Rizal Memorial Coliseum (RMC), na sumasailalim sa major rehabilitation sa unang pagkakataon spol noong 1953, ay inaasahang matatapos sa Nobyembre 14, habang ang Ninoy Aquino Stadium (NAS) , pati ang tennis center at football stadium ay handa na sa Nobyyembre 21.

“I’m excited to see these (renovated) sports facilities,” pahayag ni Ramirez sa panayam ng Philippine News Agency, matapos ang pagbisita ng mga miyembro ng media sa ginagawang renobasyon.

Sinabi naman ni architect Gerard Lico, ang rehabilitasyon ng 85-year-old Rizal Memorial Coliseum ay 85% na, at siniguro na ang retrofitting, installation of air-conditioning, lights, new chairs, at iba pang ikakabit ay matatapos bago ang November 13 turnover nito sa PSC.

Dagdag pa ni Lico, hindi tumitigil ang may 250 manggagawa para matapos agad ang pasilidad.

“All materials we used are imported and we made sure that the historical design of the building are protected,” wika ni Lico.

Noong 2017, ang National Museum at ang National Historical Commission of the Philippines ay idineklara ang RMSC bilang isang importanteng cultural property at national historical landmark.

Ang coliseum ay magiging venue ng gymnastics, habang ang weightlifting at taekwondo naman ay lalaruin sa NAS.

Ang pagsasaayos ng mga nasabing pasilidad ay bahagi ng ipinagkaloob na P842 milyong pondo mula sa Philippine Amusement and Gaming Corporation (Pagcor).

Please follow and like us:
Read More

4 GINTO TARGET NG BILLIARDS TEAM

(NI JEAN MALANUM)

KAYANG manalo ng apat na gintong medalya ang national billiards team sa 30th SEA Games na gagawin sa Manila Hotel Tent City mula Disyembre 3-10.

Ayon kay Billiards and Snookers Congress of the Philippines secretary general Robert Mananquil, mataas ang morale ng mga atleta at handa silang lampasan ang dalawang ginto, isang silver at dalawang bronze medals na napanalunan nila sa Kuala Lumpur, Malaysia noong 2017.

Sinabi ni Mananquil na malalim ang kanilang bench na pinangungunahan nina world no. 3 Rubilen Amit, world No. 4 Carlo Biado, Dennis Orcollo, Johann Chua, Jeffrey Ignacio, Warren Kiamco, Chezka Centeno, Iris Rañola at Floriza Andal.

Kung pagbabatayan ang kanilang line-up, kayang-kaya na manalo ng apat na ginto mula sa 9-ball at 10-ball events sa men’s at women’s categories.

“That’s four gold medals already,” ani Mananquil na miyembro ng Philippine Olympic Committee board.

“We still have 9-ball and 10-ball doubles where we also have fighting chances. Of course, I can’t promise that we would also win the gold there, but if luck rolls our way, we might sweep all pool events and win six out of the 10 gold medals at stake,” dagdag niya.

Lalahok sa snookers sina Alvin Barbero, Michael Angelo Mengorio, Jeffrey Roda at Basil Al-Shajjar samantalang sina Benjie Guevarra at Luis Saberdo ang isasabak sa English Billiards.

Maglalaro rin si Efren “Bata” Reyes kasama si Francisco Dela Cruz sa carom event.

“What we have is a very stacked and solid lineup,” sabi ni Mananquil na nagsabi rin na mahihirapan ang mga Pinoy sa English Billiards at carom events.

“The Malaysians and the Singaporeans, being former British colonies, are expected to dominate English Billiards while carom is the pet event of the Vietnamese. Despite that, we will still go all out and take advantage of our homecourt edge,” paliwanag ni Mananquil.

Ikinatuwa naman ni Philippine Sports Commission (PSC) Chairman William Ramirez ang naging pahayag ni Mananquil.

“It’s difficult to predict outcomes, but with proper scouting, sports associations could somehow see their targets well. The PSC is also supportive of billiards as it is with all sports,” sabi ni Ramirez.

Binanggit ni Mananquil na malaki ang tulong na binibigay ng PSC sa paghahanda ng national team.

Si Amit at ang ibang mga players ay kasalukuyang nagsasanay sa ibang bansa samantalang ang snooker team ay nakatakdang lumipad patungong Turkey sa katapusan ng buwang kasalukuyan para sumali sa World Snookers Championship.

“We want to thank PSC chairman Ramirez for his all-out support,” sabi ni Mananquil. ” The PSC approved all our requests for foreign training and exposure that serve as good preparation for our athletes. In return, we would give everything that we can and win as many medals as possible.”

Please follow and like us:
Read More

P1.2-B PONDO; PSC TODO-SUPORTA SA MGA ATLETA

(NI JEAN MALANUM)

NAGLAAN ang Philippine Sports Commission (PSC) kabuuang P1.2 billion pondo para sa pangangailangan ng pambansang atleta sa 30th Southeast Asian Games.

Ang nasabing halaga ay hinati sa tig-P600 million  –  para sa aktwal na partisipasyon ng mga atleta sa biennial meet at sa iba’t ibang foreign exposure o training sa abroad bago ang aksyon sa Nobyembre 30 hanggang Disyembre 11.

“This is the first time the PSC is spending P1.2 billion just for the athletes,” pahayag ni Philippine Sports Commission (PSC) chairman William ‘Butch’ Ramirez matapos lagdaan ang tripartite agreement sa pagitan ng PSC, POC at ng PHISGOC.

“I look at it that if we take good care of our athletes, we might be able to deliver a miracle in the SEA Games,” dagdag pa ng chef de mission.

Ang nabanggit na P1.2 billion ay bahagi ng karagdagang P600 million budget para sa pagbili ng mga equipment para pa rin sa mga atleta.

 

Please follow and like us:
Read More

NAT’L SPORTS ACADEMY SUPORTADO NI DU30

sports44

(NI BETH JULIAN)

SUPORTADO ni Pangulong Rodrigo Duterte ang pagbuo ng National Academy for Sports para sa mga highschol students.

Ito ang bahagi ng talumpati ng Pangulo sa kanyang SONA.

“I support the measure to create the National Academy for Sports for  highschol students”, wika ng Pangulo.

Pinirmahan na ni PPRD ang batas sa sports na Republic Act 11214 o “ang Philippine Sports Training Center Act,” kung saan magtatayo ng state-of-the-art sports training facility sa bansa sa Rosales, Pangasinan sa 2022.

Bunsod nito, lubos naman ang pasasalamat nina Team Philippines Chef de Mission at PSC Chair William ‘Butch’ Ramirez kay Presidente sa pagiging totoong masipag at magaling na leader.

“There might be bigger priorities but President Duterte has always given sports his support,” pahayag ni Ramirez.

Pinasalamatan din ni Ramirez ang Pangulo dahil sa perfect attendance nito sa Palarong Pambansa opening ceremonies simula nang maupo ito sa puwesto.

Simula noong 2016, maraming inisyatibo na ang ginawa ng PSC upang ma-promote ang sports education at sports science para sa national coaches at trainers sa pakikipagtulungan ng Korean Institute of Sports Science (KISS) at the United States Sports Academy (USSA).

Please follow and like us:
Read More

STAKEHOLDERS NG PH SPORTS, TULUNG-TULONG SA SEA GAMES

seagames6

(NI JEAN MALANUM)

NAGKAISA ang  major stakeholders ng Philippine sports na magtutulungan para sa matagumpay na hosting ng 30th Southeast Asian Games (SEAG).

“The Philippine Sports Commission (PSC), the Philippine Southeast Asian Games Organizing Committee (PHISGOC) and the Philippine Olympic Committee (POC) are united in one leadership of the President of the Republic, to host and participate in the 30th Southeast Asian Games,” sabi ni PSC Chairman at Team Philippines Ched de Mission (CDM) William”Butch” Ramirez sa statement na pinalabas kahapon.

Itinanggi rin ni Ramirez ang mga balita na may nangyayaring corruption sa  PHISGOC na pinamumunuan ni  Allan Peter Cayetano.

Siniguro ni Ramirez ang transparency sa lahat ng transaksiyon na may kinalaman sa SEAG hosting.

“We assure the athletes and the general public that all decisions and transactions will be done with utmost transparency. The PSC, through the guidance of the Department of Budget Management and assistance of the Procurement Service shall work together to ensure that public funds are protected and that all disbursements or expenses follow existing government rules and laws,” paliwanag ni Ramirez, na nagsilbing CDM noong 2005 SEAG na idinaos dito.

Please follow and like us:
Read More

30th SEA GAMES HOSTING PSC ANG HAHAWAK

(NI JEAN MALANUM)

NAIS ni Pangulong Rodrigo Duterte na  ang gobyerno lamang ang hahawak at magpapatakbo sa hosting ng Pilipinas sa papalapit na 30th Southeeast Asian Games at ito ay walang iba kundi ang Philippine Sports Commission (PSC).

Ito ang inihayag ni Presidential Spokesperson Salvador Panelo, kung saan napundi umano si Pangulong Duterte nang mabatid ang naganap na korapsyon  sa Philippine SEA Games Organizing Committee (PHISGOC) Foundation, itinatag na private entity pero siyang tumanggap ng government funds para sa biennial meet hosting.

“He said that he doesn’t want the foundation. Gusto niya gobyerno. Sabi niya maraming corruption sa private kaya nasisira ‘yung diskarte ng mga nandiyan. Gusto niya gobyerno na lang,” pahayag ni Panelo.

Ayon pa kay Panelo, kinakailangang maimbestigahan umano ang korapsyon sa PHISGOC.

“He (Duterte) didn’t mention it but as a matter of standard procedure, when there is corruption, the agency concerned will have to delve into that without asking the president,” komento pa ni Panelo.

Ang PHISGOC, na pinamumunuan ni Taguig Rep. Alan Peter Cayetano, ay itinatag para pangunahan ang pag-oorganisa g Pilipinas sa hosting ng 2019 SEA Games, pero nasangkot sa kontrobersiya nang itatag ang PHISGOC Foundation, na hiwalay na entity mula sa orihinal na PHISGOC.

Ang mga incorporators ng PHISGOC Foundation ay kinabibilangan nina Cayetano, Ramon ‘Tats’ Suzara at ng kare-resign lang na POC president Ricky Vargas.

Kinuwestiyon ng POC executive board ang pagpasok ni Vargas at ng PHISGOC sa mga transaksyon nang walang aprubal ng board, na naging daan sa pagbaba sa puwesto ni Vargas.

Kaugnay nito, binigyang-diin ni acting president Joey Romasanta, na walang kinalaman ang POC sa pagbuo at sa transaksyong pinasok ng PHISGOC.

Ayon kay Romasanta, binuo ang PHISGOC nang walang board approval, kung saan incorporators sina Cayetano, Vargas at iba pa.

Base sa Articles of Incorporation na naka-file sa Securities and Exchange Commission noong Hulyo 2018, ang PHISGOC Foundation ay itinatag para mag-organize ng SEA Games at iba pang international games na iho-host ng bansa sa mga darating na panahon.

Nakasaad din na ang PHISGOC ang tatanggap at maglalabas ng pondo at iba pang monetaries at properies na manggagaling mula sa sponsorship, donation, grant at subsidy.

Ito rin umano ang tatanggap ng income at pondo mula sa pagho-host ng SEA Games at maging sa iba pang international competitions at siya ring magdi-disburse nito.

Please follow and like us:
Read More

P800-M IBINIGAY NG PAGCOR SA PSC

seagames12

(NI JEAN MALANUM)

NAGBIGAY ng P800 million ang Philippine Amusement and Gaming Corporation (PAGCOR) sa Philippine Sports Commission (PSC) para sa pagpapaayos ng mga pasilidad na gagamitin para sa 30th Southeast Asian Games.

Ang tseke na nagkakahalaga ng P800 ay iniabot ni PAGCOR chairperson Andrea Domingo kay PSC chairman William “Butch” Ramirez sa opisina ng PAGCOR kahapon.

Kasama sa mga opisyales na dumalo sa turnover ceremony sina PAGCOR President at Chief Operating Officer  Alfredo Lim at directors Gabriel Claudio at Reynaldo Concordia, at PSC Executive Director Merly Ibay.

Ang mga pasilidad na aayusin ay ang Ninoy Aquino Stadium (NAS), football field at track oval sa loob ng Rizal Memorial Sports Complex sa Malate, Manila at ang Philsports Multi-Purpose Arena sa Pasig City.

Ang NAS ay magsisilbing venue para sa weightlifting at taekwondo samantalang gagawin naman sa Philsports Multi-Purpose Arena ang indoor volleyball.

“We are trying to give you as much (help) as we can,” pahayag ni Domingo.

Tinawag naman ni Ramirez na legacy ang rehabilitation ng tatlong pasilidad.

“This is a good legacy of PAGCOR that under your watch all three facilities will be rehabilitated at this level,” ani Ramirez na tatayong Team Philippines chef de mission sa SEA Games na idaraos dito sa bansa sa ika-apat na pagkakataon.

“This P800 million is very sentimental for PSC because those structure has never been rehabilitated in this way,” dagdag ni Ramirez.

Please follow and like us:
Read More