US-RP RELATIONS, MATATAG — SOLON

trump21

(NI DANG SAMSON-GARCIA)

TIWALA si Senador Koko Pimentel na hindi makaaapekto sa relasyon ng Pilipinas at Estados Unidos ang umiinit na usapin sa sinasabing pag-ban sa Amerika ng mga opisyal ng gobyerno na tumulong sa pagpapakulong kay Senador Leila de Lima na ginantihan ng pagbabanta ng Malakanyang na oobligahin ang mga Amerikano na kumuha ng visa bago pumasok sa ating bansa.

“Ang relationship ng Pilipinas sa Amerika, napakalakas nyan. Ito ay napakaliit lang na issue. It will not affect the relationship with us. Maliit na bagay lang ito,” saad ni Pimentel.

Iginiit pa ni Pimentel na wala na ring silbi kung magpo-protesta ang bansa kung ituloy man ng Amerika ang pag-ban sa mga opisyal ng gobyerno.

“Pointless na magprotest kasi conclusion ng legislators nila yun eh. Wala na epekto dito sa atin kasi may sarili tayo process because hindi rin naman nila babaguhin yun. Kung ginagawa nila political issue then it becomes political issue, kasi dinidiscuss na natin,” paliwanag ni Pimentel.

Binigyang-diin ng senador na kung anuman ang maging desisyon ng Amerika ay bahagi ito ng kanilang soberanya tulad ng karapatan nating gawin kung anumang polisya ang nais nating ipatupad.

Gayunman, kung itutuloy anya ng gobyerno ang pagre-require sa mga Amerikano na kumuha ng visa papasok sa ating bansa ay dapat maging handa ang Pilipinas sa posibleng pagbabawas ng turismo.

“Mag-umpisa ako sa prinsipyo na ang pagpasok sa isang bansa ay totally kontrolado yan ng bansa kasi sovereignty ang usapin, kung pwedeng pumasok ang isang foreigner sa bansa, decision ng isang bansa yun. Kunwari sa Amerika ayaw nila papuntahin ang opisyal ng Pilipinas wala tayo magagawa dun. Kung tayo naman sabihin natin dati wala kayo visa pero mula ngayon kailangan nyo na ng visa hindi sila pwedeng magreklamo pero ready lang tayo na mabawasan tayo ng bisita na Amerikano,” diin ni Pimentel.

Pinayuhan pa ni Pimentel ang lahat na huwag nang palakihin pa ang isyu at hintayin na lamang ang opisyal na deklarasyon.

“Huwag na natin udyukin kasi wala naman pinapangalanan. Kailangan official action from the Secretary of the States. Kahit may pangalanan ang dali lang solusyon, eh di wag kayo pumunta sa Amerika. Ang ibig sabihin nun, you are not welcome to go here, eh ‘di don’t go there,” diin pa nito.

Please follow and like us:
Read More

2 US SENATORS, I-BAN DIN SA PINAS — GO

(NI DANG SAMSON-GARCIA)

IPINABA-BAN din sa Pilipinas ni Senador Christopher Lawrence ‘Bong’ Go ang dalawang senador ng Estados Unidos na nagsulong ng resolusyon na ipagbawal ang mga opisyal ng gobyerno na sangkot sa sinasabing ‘politically-motivated imprisonment’ ni Senador Leila de Lima.

“Yang dalawang senador na ‘yan nakakaloko kayo. Wag kayo makialam dito. Mind you own business. Respetuhin n’yo ang aming judicial system,” saad ni Go.

Nanindigan ang senador na nasunod ang proseso ng batas sa kasong droga ni de Lima.

“Ako may tiwala ako sa ating judiciary. Yung kaso po ni Sen. De Lima it was affirmed by the Supreme Court. ‘Wag kayo nakikinig sa mga chismis sa mga sulsol lang dyan, nakikialam kayo dyan,” diin pa ni Go.

Una nang inaprubahan ng US Senate committee ang amendment sa isa sa panukala na ipagbawal sa Estados Unidos ang sinumang Philippine government official na sangkot sa pagkakakulong ni de Lima.

Ang resolusyon ay isinulong nina US Senator Dick Durbin at Patrick Leahy.

Umalma rin sa resolusyon sina Senador Panfilo ‘Ping’ Lacson, Senate President Vicente ‘Tito’ Sotto III at Senador Richard Gordon.

“US Sen. Durbin’s amendment means that 9 Supreme Court justices who affirmed the validity of the arrest order vs Sen. de Lima, 2 RTC judges who issued the arrest warrants, the prosecutors who filed the information and the witnesses who testified will all be banned from entering the US. Fair?” tanong ni Lacson sa kanyang tweet.

Ipinaalala naman ni Sotto na hindi na Commonwealth ng Estados Unidos ang Pilipinas kaya’t wala silang karapatang panghimasukan ang internal affairs ng bansa.

“May I echo the sentiment that the time for the United States to pull strings attached to their offer of financial aid is long gone. Mentoring us in the ways of democracy and due process smacks of racism and superiority complex. We are no longer the Commonwealth of the Philippines. The Commodore Deweys of today can no longer bully and deceive the Filipino. Natuto na tayo,” saad ni Sotto.

“Unang-una panghihimasok yan, may courts tayo tumatakbo, pwede ka magbail, may abogado ka, ba’t kayo makikialam?” giit naman ni Gordon kasabay ng pagsasabing dapat nang tigilan ng mga US senators ang pambu-bully sa Pilipinas.

Please follow and like us:
Read More

P520-M DONASYON NG US SA PNP TRAINING FACILITY PINAGTIBAY

(NI AMIHAN SABILLO)

NANANATILING maayos at matatag ang pagkakaibigan ng bansa sa Amerika sa kabila ng pagdistansya ni Pangulong Rodrigo Duterte matapos ang kasunduan na magbibigay ng tulong ang Amerika sa bansa, partikular sa Philippie National Police (PNP) kontra terorismo.

Nilagdaan na rin ni PNP Chief Police General Oscar Albayalde at Deputy Chief of Mission John Law ng US Embassy Manila ang Memorandum of Understanding para sa isang state of the art counter terrorism facility na itatayo sa lalawigan ng Cavite sa tulong ng  Estados Unidos

Umaabot sa P520 milyon ang kabuuan ng halaga ng donasyon kung saan P350 milyon ang ilalaan para sa training facility na itatayo sa lugar na sakop ng PNPA sa Silang, Cavite

Ayon kay Albayalde, bahagi ito ng mas pinaigting na partnership sa pagitan ng Amerika at Pilipinas sa kampanya laban sa terorismo

Sinabi pa ni Albayalde na ang bagong limang battallion ng PNP SAF na sumasailalim sa training ang unang batch na sasalang sa counter terrorism training sa itatayong pasilidad.

Please follow and like us:
Read More

DU30 BUSAL SA BIBIG NG US, CHINA — CPP

us china12

(NI MAC CABREROS)

DISMAYADO ang makakaliwang grupo sa tila walang malinaw at konkretong panindigan ang administrasyong Duterte sa June 9 Recto Bank incident.

“(President) Duterte has displayed utter spinelessness before China,” diin sa statement ng Information Bureau ng Communist Party of the Phippines.

Ayon dito, tila hindi magawa ng Punong Ehekutibo na ipaglaban ang soberenya ng bansa sa West Philippine Sea dahil takot ito na mawala ang mga milyong dolyar na kaloob ng China.

Dagdag dito na bukod sa walang karapatang mangisda ang mga Tsino sa lugar na teritoryo ng Pilipinas ay malinaw sa mga ulat na ‘hit and run’ ang pangyayari.

Tila hawak sa leeg ng United States si Pangulong Duterte dahil sa pahayag ng una na may posibleng military intervention alinsunod sa probisyon ng nilagdaang Mutual Defense Treaty.

“At the same time, Duterte is muted and tame amid US noise and threats of military intervention,” dugtong ng CPP statement.

Binanggit ang planong pag-deploy sa USS Stratton upang tulungan ang Pilipinas para maipagtanggol ang exclusive economic zone nito.

Please follow and like us:
Read More

US NAGPAALALA SA CLAIMANTS: ‘WAG GUMAMIT NG DAHAS

wps22

(NI JESSE KABEL)

NAG-ABISO ang Estados Unidos sa mga bansa na pare-parehong may claimed o inaangking teritoryo na huwag gumamit ng dahas at pananakot sa paggiit sa mga teritoryo.

Ito ay bunsod ng huling kaganapan kung saan sinalpok ng barko ng Tsina na Yuemaobinyu 42212 ang  Filipino fishing vessel na F/B Gem-Ver1 noong June 9 kung saan 22 Pilipinong mangingisda ang naiwang palutang-lutang sa karagatan.

Nabatid na malaking pagpapasalamat ng embahada ng Estados Unidos, na walang nasaktan sa  22 Pilipinong mangingisda sakay ng fishing vessel at naisalba sila nang maayos ng mga  Vietnamese fishermen sa karagatang sakop ng Recto Bank o Reed bank

Matatandaang suportado ng Estados Unidos ang inilabas na United Nations arbital tribunal noong 2016 kung saan ibinasura ang pagkuha ng Tsina sa malaking bahagi ng South China Sea sa ilalim ng kanilang 9 dash line.

Samantala, ilang political observers naman ang nagsasabing ang ginawa ng Chinese na hinihinalang isang barko ng Chinese militia ay maaring basehan sa pagkilos ng US o igiit ng Pilipinas ang suporta mula sa puwersa ng mga Amerikano sa ilalim  mutual defense treaty ng US at Pilipinas.

Pinuna rin ng mga kritiko ang pananahimik ni Pangulong Duterte sa naganap na pagsalpok ng barko ng China sa naka-angkla na fishing boat ng Pinoy.

Please follow and like us:
Read More

US TINABLA; CHINA 4-BESES NANG BIBISITAHIN NI DU30

us china12

(NI BETH JULIAN)

PINAWI ng Malacanang ang mga agam-agam sa relasyon ng Pilipinas at ng Amerika.

Sa harap ito ng napipintong pagbisita ni Pangulong Rodrigo Duterte sa China sa Abril habang patuloy namang nakabitin ang tugon nito sa imbitasyon sa kanya ng gobyerno ng Estados Unidos.

Pagtiyak ni Presidential spokesperson Atty. Salvador Panelo, nananatiling mainit at maganda ang samahan ng Pilipinas at Amerika.

Ayon kay Panelo, ang tanging dahilan lang naman kung bakit patuloy na tumatanggi si Duterte na magtungo sa Amerika ay ang malamig na temperatura o klima doon.

Sinabi ni Panelo na hindi matagalan ng Pangulo ang lamig sa Amerika dahil nagkakasakit ito.

Ayon pa kay Panelo sa muling pagbisita ng Pangulo sa China sa Abril ay posibleng matuloy ang pagtalakay sa mga usapin na may kinalaman sa kalakalan, seguridad at iba pang mutual interest ng dalawang bansa.

Kapag natuloy sa China, ito na ang ikaapat na beses na pagbisita ng Pangulo sa nasabing bansa.

 

 

Please follow and like us:
Read More

‘DI KAYA ANG LAMIG; DU30 AYAW BUMIYAHE SA US

duterte2

(NI BETH JULIAN)

SA kabila ng dalawang araw na pagbisita ni US Secretary of State Michael Pompeo sa bansa, wala pa rin nakikitang indikasyon kung pauunlakan ni Pangulong Rodrigo Duterte ang matagal nang imbitasyon na bumisita ito sa Amerika.

Sa kasalukuyan, sinabi ni Presidential spokesperon Atty. Salvador Panelo na ayaw pa ring makompromiso ng Pangulo sa matagal nang imbitasyon na bumisita ito sa Amerika.

Ayon kay Panelo, nananatiling tahimik ang Pangulo at wala pang nakikitang sensyales kung ano ang posisyon sa makailang ulit nang pangungulit ni US President Donald Trump na pumunta at bumisita naman ito sa Amerika.

Sinabi ni Panelo na ayaw ng Pangulo ang matagalang byahe bukod pa sa pag amin nito na hindi kaya ang maginaw na klima duon.

Una nang inimbitahan ni Trump si Duterte nang makapag usap sila sa telepono noong May 2017 na magtungo sa Amerika at naulit pa ang imbitasyon noong Hulyo 2018 sa pamamagitan ni US Ambassador to the Philippines Sung Kim na nagsabing patuloy nilang inaayos ang posibleng Washington visit ng Punong Ehekutibo.

Please follow and like us:
Read More

P1.7-T REMITTANCE NG MGA OFWs SA PINAS

ofw17

(NI BERNARD TAGUINOD)

HALOS  kalahati sa 2019 national budget ang  naipadalamg suweldo ng mga Overseas Filipino Workers (OFWs) sa kanilang mga mahal sa buhay sa Pilipinas noong nakaraang taon makaraang umabot sa ito P1.7 Trillion.

Ngayong 2019 ay P3.7 Trilion ang national budget na naghihintay pa ng pirma ni Pangulong Rodrigo Duterte.

Ayon kay Leyte Rep. Henry Ong,chairman ng House committee on banks and financial intermediaries, umaabot sa $32.2 Billion ang remittances ng mga OFWs sa kanilang mga naiwang pamilya sa Pilipinas noong 2018 o katumbas ng P1,706,600,000,000 sa palitang P52 sa bawat isang US dollar.

Mas ito sa $31.29 Billion na remittances ng mga OFWs noong 2017 matapos umabot sa $3.2 Billion ang ipinada ng mga ito sa kanilang mga kaanak noong Disyembre na pinakamalaking money transfer sa kasaysayan.

OFW SA CANADA, US  REMITRANCES TUMAAS

 Kapwa naman tumaas ang remittances ng mga Filipino na nagtatrabaho sa Canada at United States (US) na isa sa mga nakikitang dahilan ni Ong kung bakit tumaas ang ipinadalang pera ng mga OFWs noong 2018 kumpara noong 2017.

Nabatid na umabot sa 51.5% ang itinaas ng remittances mula sa Canada dahil umaabot $977 million noong 2018 kumpara  $645 million na naipada ng mga OFWS na nagtatrabaho sa nasabing bansa.

Umaabot naman aniya sa $9.986 billion ang naipadalang pera ng mga Filipino-Americans noong 2018 mas mas mataas ng $564 million sa  $9.422 billion na remitttances noong 2017.

Dahil dito, nabawi umano ang 15.3% na nawala sa remiittances ng mga OFWs na nakabase sa Gitnang Silangan dahil kumonti ang bilang ng mga Filipino na nagtatrabaho sa Saudi Arabia dahil sa Saudization subalit hindi nagbigay ng detalye si Ong ukol dito.

“Parts of Asia, Africa, South America, and Eastern Europe will be the new promising countries for OFWs, as can be gleaned from the country-by-country breakdown of the cash remittances. In most of these foreign lands, OFW professionals and technicians will be in strong rising demand,” kaya inaasahan na lalaki pa umano ang remiitrances sa ngayong taon.

 

 

Please follow and like us:
Read More

$300-M INTEL SUPPORT DONASYON NG US SA PINAS     

DU1

(NI LILIBETH JULIAN)

LUBOS na ikinagalak ng Malacanang ang pangakong binitiwan ng Estados Unidos na higit $300 milyon intelligence support ang kanilang ipagkakaloob sa Pilipinas.

Sinabi ni Presidential Spokesman Atty. Salvador Panelo, welcome sa Malacanang ang commitment na ito ng Amerika na patunay na lumalakas ang military illiance sa pagitan ng nabanggit na bansa at ng Pilipinas.

Ayon kay Panelo, anumang uri ng tulong ng bawat United Nations member country gayundin ng kooperasyon ay tinatanggap ng Pilipinas para malabanan at mawakasan ang terorismo.

Sinabi pa ng tagapagsalita na walang kinikilalang boundary, politika, relihiyon o pananampalataya ang terorismo kaya nararapat na magtulong ang lahat ng bansa  mula mula sa UN.

Sa harap nito, siniguro ng Malacanang na mas pinalalakas pa ng pamahalaan ang mga hakbangin para matiyak ang kaligtasan ng mamamayan.

Panawagan ng Malacnanag sa mamamayan na maging mapagmatyag at ipabatid sa mga awtoridad at ipaalam sa mga awtoridad ang mga makikitang anumang kahina hinalang kilos ng sinumang indibidwal o grupo na posibleng maghatid ng karahasan at panganib sa mga inosenteng sibilyan.

Please follow and like us:
Read More