HIDILYN DIAZ UUWING BAYANI

0

NAKATAKDANG ­dumating sa bansa ngayon (Miyerkoles) ang bagong bayani at kauna-unahang Filipino Olympic gold medallist na si Hidilyn Diaz.

Matapos ang 97 taon sa kasaysayan ng Philippine sports, ang 30-anyos na si Diaz ay nagmarka sa 2020 + 1 Tokyo nang maka-gold matapos bumuhat ng 97kg sa snatch at 127kg (bagong Olympic record) sa clean and jerk para sa total 224kg (bago ring Olympic record) sa women’s -55 kgs weightlifting competition, Lunes (Hulyo 26) sa Tokyo International Forum.

“It’s mandatory,” sabi ni Philippine Olympic Committee President Rep. Abraham “Bambol” Tolentino. “But more important is that Hidilyn wants to be with her family who she hasn’t seen for more than one and a half years now.”

Kailangang umuwi sa loob ng 48 oras ang mga atleta, opisyal at pati media pagkatapos ng kanilang event o trabaho base sa ­Tokyo Olympics Playbook.

Noong nakaraang taon ay inabutan ng COVID-19 pandemic lockdown si Diaz habang nagte-training sa Malaysia kaya’t minabuting mag-stay na muna at doon na ipagpatuloy ang preparasyon para sa 32nd Games.

“Nagkausap na kami ng mama ko. Tumawag ako sa kanya at nag-congratulate siya sa akin,” sabi ng unang Pinay na Olympic, Asian at Southeast Asian Games gold medallist.

Si Diaz at ang kanyang team sa pangunguna nina Chinese coach Gao Kaiwen at strength and ­conditioning coach Julius Naranjo ay magku-quarantine muna sa hotel sa loob ng pitong araw pagdating sa Pilipinas, base sa itinakda ng Inter-Agency Task Force for the Management of Emerging Infectious Diseases.

TULOY, MISYON PARA SA BAYAN

WALA pang planong mag­retiro ang ­itinuturing nga­yon na tunay na ‘weight­lifting fairy’ na si Hidilyn Diaz.

Ito ang sinabi ng Philippine Air Force (PAF) ­Airwomen first class na si Diaz sa biglaang Zoom press conference ng Team Pilipinas Secretariat Martes ng umaga.

“Hindi pa po ako tapos sa misyon ko. Ngayon ko lang po naramdaman na kaya ko pa po na mag-lift,” aniya. “Kailangan ko po agad na mag-prepare for SEA Games and Asian Games. Hindi puwede na susuko na ako. I want also to inspire the young generation and encourage them to compete.”

Si Diaz ang unang Pinay na sumabak sa apat na Olympics (2008 Beijing, 2012 London, 2016 Rio de Janeiro at 2020+1 Tokyo). At ­posibleng maging lima pa matapos niyang ipahayag ang planong sumabak sa 2024 Paris Games. (ANN ENCARNACION)

MIRACULOUS MEDAL

HANGGANG ngayon ay hindi makapaniwala si Hidilyn Diaz na nagawa niyang mabuhat ang 127kg sa clean and jerk na naging susi sa Olympic gold medal win niya sa women’s 55kg kontra kay world record holder Qiu Yun Liao ng China.

“First time ko po na nakabuhat ng 127kg sa buong buhay ko. Sinusubukan ko buhatin pero lagi akong nabibigo,” pagtatapat ni Diaz.

Bumuhat siya ng 88kg sa snatch at 112kg para sa kabuuang 200kg noong 2016 Rio Olympics kung saan siya nakapag-uwi ng silver medal, na kauna-unahan din para sa isang Pinay.

Nagpasalamat naman si Diaz sa mga kaibigan at supporters niya na nagbigay sa kanya ng medalyon na aniya’y pinagkunan niya ng spiritual at mental strength sa Tokyo journey niya.

“Ito po yung hinalikan ko agad. Isa po itong ‘miraculous medal’ na ibinigay nila sa akin bago sumabak sa Olympics,” pagbabahagi ni Diaz.
“Nag-novena daw po sila ng 9-days at saka pinabasbasan nila as a sign of prayers of support nina Mama Mary at ni Jesus Christ,” dagdag niya. “Nagpapasalamat po ako sa kanila. (ANN ENCARNACION)”

P35.5-M, HOUSE & LOT AT CONDO

AYAW pang isipin sa ­ngayon ni Hidilyn Diaz ang mga ­nakatakda niyang makuha sa pagkapanalo ng unang ­Olympic gold medal ng bansa.
Kabilang sa mga ipinangakong matatanggap niya

ay P35.5 milyon mula sa ­pamahalaan at mga pribadong kompanya, house and lot mula sa ­Zamboanga City government, at isang condo sa Eastwood City mula sa isang ­property developer.

“Natatakot po ako pati na din para sa Paris 2024,” sabi ni Diaz. “We will still discuss what to do with the incentives po kasi kailangan pa po namin maghanda para sa mga ­tournament,” ang sabi pa ni Diaz. (ANN ENCARNACION)

Read More

Malungkot na karanasan ni David Nepomuceno sa 1924 Paris Olympics

0

Ni EDDIE ALINEA

HINDI naging kasiya-siya ang unang paglahok ng Pilipinas sa Olimpiyada halos 100 taon na ang nakararaan.

Taong 1924 nang unang nagpadala ang bansa ng dalawang kinatawan (isang atleta at isang opisyal) sa VIII Games of the Olympiad na ginanap sa Paris noong Hulyo 7-13. Ito ang pangalawang pagkakataon na ang pangunahing lungsod ng France ay naging host ng Palaro mula noong 1900.

Si sprinter David Nepomuceno ang nagdala ng ating bandila sa Palaro na tinawag ng mga Pranses na: Les Jeux Olympiques d’été de 1924. Si Nepomuceno ay sinamahan ng kanyang coach na si Dr. Regino Ylanan, ang unang ‘iron man’ ng Asya at naatasang delegation head ng Pilipinas sa Paris.

Walang masyadong publisidad ang paglahok ni Nepomuceno sa 100 at 200 metrong karera kung saan pareho siyang nabigo sa unang salang pa lang, maliban sa ulat ng THE FILIPINO ATHLETE na opisyal na publikasyon ng Philippine Amateur Athletic Federation (PAAF), sa isyung lumabas noong Mayon 1-16, 1936.

Tumakbo ang unang Pinoy Olympian sa sixth heat ng century dash at tumapos na pang-apat. Masaya naman siyang bumalik sa Olympic Village dala ang gunitang tinalo niya ang da­lawang mananakbong galing sa Sweden at Czechoslovakia. Ngunit napawi ang galak niya sa 200 meters kung saan kulelat siya sa elimination round races.

Nakuha ni Nepomuceno ang kanyang tiket patungong Paris matapos niyang ma-upset sa Olympic trials ang Far Eastern Games sprint king na si Fortunato Catalon. Sa panayam ng FILIPINO ATHLETE, sinisi niya ang 33-araw at paikot-ikot nilang biyahe ni Dr. Ylanan sakay ng barko mula Maynila hanggang Paris.

Ipinagtapat niyang maganda ang kanyang kondisyon nang talunin niya si Catalon sa Olympic trials at kumpiyansang malaki ang tsansang mananalo.

“Many of the preliminary heats [in the 100 meters] were won in 11 seconds or slower times. Which led me to believe that I had a good chance of surviving the first elimination series had I been in as a good shape in Paris as I was during the tryouts in Manila,” na ang tinutukoy ay ang mas mabilis na 10.29 segundo naitala niya sa qualifying run.

Si Dr. Ylanan at si Nepomuceno ay lumisan sa Maynila sakay ng isang Chinese boat Mayo 17, 1924. Nanatili sila ng dalawang araw sa Hong Kong at nakapag-ensayo pa sa Happy Valley ­Recreation ground bago lumipat sa S.S. Andre Lebon ng French Line papuntang Saigon kung saan sila naglagi ng tatlong araw. Dahil sa kakulangan ng training facilities dito. ay naudlot ang kanyang preparasyon para sa Paris.

Nang tumigil sa Singapore ay nakapag-ensayo siya sa isang football at cricket ground.

“In Colombo, we succeeded in securing permission for the use of the YMCA to get off my sea-legs,” aniya. “I ran the short sprint in Colombo against a Hindu caretaker who insisted that he was a runner once.”

Mula Colombo, ang barkong sinasakyan nila ay muling huminto sa Port Said sa Arabia kung saan nakatakbo siya sa isang beach. “But my legs were so wobbly that I could hardly stand on my feet,” kumpisal niya.

Ang mahigpit na iskedyul ng dalawa-kataong Philippine delegation ay patuloy na pumigil sa build up program ni Nepomuceno hanggang dumating sila sa Pransesa Marseilles, kung saan sumakay sila ng tren patungong Paris. Dumating sila sa Games isang linggo bago ito pormal na magbukas.

“Immediately after our arrival in Paris, we reported at the Olympic Village,” ayon sa Pinoy sprinter. “We found out that many delegations had arrived before us
and were already in first class condition for the contest. All that time, Dr. Ylanan and myself, realized that seven days training prior to the meet and following a long ocean voyage of 33 days would not be sufficient to put me back in shape.”

“We were not surprised, therefore, of my poor showing in both the 100 and 200 meters,” pagtatapat ni Nepomuceno. “Sana yung mga susunod sa akin ay hindi maranasan ang naranasan ko.”

Read More

FIL-AM FENCER NAGMARKA SA 2020 +1 TOKYO

0

LUMALABAN man sa ilalim ng US flag, hindi maikakaila na may dugong Pinoy ang 2020 +1 Tokyo Olympics women’s foil gold medalist na si Lee Kiefer.

Tinalo ng Filipino-American na si Lee sa final ng women’s foil ang defending champion na si Inna Deriglazova ng Russia, 15-13, sa Makuhari Messe Hall noong Lunes.

Ang half Pinoy fencer ang itinuturing ngayon na kauna-unahang American na nagwagi ng gintong medalya sa nasabing sport sa Olympics.

Lingid sa kaalaman ng ­marami, si Lee ay anak ng tubong Tagum, Davao City na si Dr. ­Teresa Bacani-Kiefer at ng dati ring US fencer na si Dr. Steve Kiefer.

Kaya hindi lang mga taga-US ang nagbunyi sa panalo ni Lee kundi maging ang mga taga-Davao, partikular ang angkan ng Bacani-Oropilla.

Katunayan, matapos ang panalo ni Lee ay nagkaroon ng virtual Thanksgiving Party ang mga miyembro ng Bacani-Orpilla sa pangunguna ng kanilang 92-year old matriarch na si Teresita, isang retired pediatrician/psychiatrist na nakabase na sa Louisville, Kentucky, ayon sa SPIN.

Nabatid na nagsimula ang Olympic journey ni Lee noong 18-anyos lang siya sa 2012 London, na sinundan ng 2016 Rio kung saan hindi siya nakasungkit ng medalya.

Dahil sa pagkabigo ay muntikan na niyang i-give up ang kanyang pangarap, ngunit sa tulong ng kanyang pamilya ay bumalik siya sa kompetisyon.

At ngayon, makalipas ang limang taon, isa nang Olympic gold medallist si Lee. (ANN ENCARNACION)

Read More

Inspirasyon si Hidilyn Diaz GUSTO KO MANALO NG GOLD – PETECIO

0

Ni VT ROMANO

INSPIRADO mula sa gold ­medal conquest ni weightlifter Hidilyn Diaz noong Lunes ng gabi, susubukan ngayong ­umaga ni Nesthy Petecio na makapagtala ng panalo laban kay Yeni Marcela Arias Castaneda ng Colombia.

Si Petecio, featherweight champion ng 2019 World Boxing Championships, ay magtatangka sa bronze medal sa alas-10 ng umagang bakbakan sa quarterfinals ng 54-57-kg boxing competition sa Kokugikan Arena sa Tokyo.

Kung magwawagi si Petecio laban sa bronze medalist ng 2019 Pan American Games, dalawang panalo na lang ang kailangan niya para sa ginto.

“We will look at the videos of her (Castaneda) fights here,” sabi ng Australian coach ni Petecio na si Don Abnett. “We know her next opponent will be tough, but we’re very confident.”

Noong Lunes ng umaga, ­dinispatsa ni Petecio ang malaking balakid sa kanyang kampanya sa Tokyo Games na si Chinese-Taipei’s Lin Yu-Ting, na siyang top seed at world’s no. 1, sa pamamagitan ng 3-2 split decision.

Una rito, tinalo muna ni Petecio si Marcelat Sakobi Matshu ng Congo, 5-0.

“Gusto ko manalo ng gold medal para sa bansa, pero alam kong kailangan kong magtrabaho nang husto para makamit iyon,” lahad ni Petecio.
Samantala, sasalang naman

si Eumir Marcial laban kay Younes Nemouchi ng Algeria sa 69-76kgs category sa alas-10:46 ng umaga (Philippine time) sa Huwebes.

Habang si Irish Magno, kagagaling sa 5-0 win kay Kenyan Christine Ongare sa 48-51-kg, sasabak kay Jutamas Jitpong ng Thailand sa alas-12:24.

Sa Sabado naman ang muling pag-akyat sa ring ni Carlo Paalam kontra Algeria’s Mohamed Flissi sa 10:48 am (Philippine time).

Tinalo ni Paalam noong Lunes si Ireland’s Brendan Irvine, 4-1.

Read More

OFWs MULA SA SAUDI, HUMINGI NG TULONG SA AKOOFW

0

DUMULOG sa AKOOFW si Lovely Toledo, OFW mula sa Tupi, South Cotabato na kasalukuyang nagtatrabaho sa Riyadh, Saudi Arabia.

Ayon kay Lovely, nakarating siya sa Riyadh, sa pamamagitan ng MEJA International Manpower Agency at ang kanyang ahensya sa Saudi Arabia ay Panorama Recruitment Agency.

Ang isinumbong ni Lovely ay ang pananakit sa kanya ng kanyang employer.

Diumano, noong July 24 ng taong kasalukuyan ay naganap ang pananakit sa kanya.

Ayon sa kanya, sinipa at sinampal siya ng kanyang among lalaki.

Mabuti na lamang at hindi siya napuruhan ng sampal sa mukha dahil nakailag siya.

Ngunit, tinamaan naman siya sa kanyang ulo.

Pilit na kinukuha ng kanyang amo ang kanyang hawak na celfone, ngunit naitago niya ito dahil alam niya na ito na lamang ang natatangi niyang sandata para siya ay masaklolohan.

Matindi ang takot ni Lovely, kaya siya ay nakiusap na agaran siyang masaklolohan.

Agad kong ipinarating ang sumbong na ito ni Lovely kay Overseas Workers Welfare Administration (OWWA) Welfare Officer Racquel Kunting upang siya ang makipag-ugnayan sa ahensya nito para mabilis na makaalis si Lovely sa malupit na employer nito.

Samantala, labis-labis din ang pakiusap ni Maribel Inocillas upang siya ay matulungang makauwi sa Pilipinas.

Ayon kay Maribel, noon pang April 29, 2018 siya ­nakarating sa Dammam, Saudi Arabia, sa pamamagitan ng ­Supreme Agency.

Ngunit, ang nasabing ahensya ay nagsara, kaya wala na siyang matakbuhan para mahingian ng tulong.

Nakiusap si Maribel na siya ay makauwi sa Pilipinas dahil matagal nang tapos ang kanyang dalawang taong kontrata bilang kasambahay.

Maraming beses na siyang nakiusap sa kanyang employer para pauwiin siya sa Pilipinas, ngunit ito ay nagbingi-bingihan lamang sa kanyang pakiusap.

Read More

SOLID NORTH VS SOLID SOUTH SA 2022?

0

BAGAMAT wala pang pormal na pahayag para sa 2022 national at local elections si dating Senador Ferdinand “Bongbong” Marcos Jr., nagpakita na ng kanilang solidong suporta sa mga Marcos ang mga leader at politiko sa Ilocandia.

Ito’y makaraang tugunan ng nasabing mga personalidad ang paanyaya ni Senadora Imee Marcos na “PRE-SONA MERIYENDA” sa kanilang ancestral home sa San Juan City, Metro Manila.

Batay sa talaan ng mga dumalo, umabot sa 50 mga ­congressman at mga political leader ang nakisalo sa PRE-­SONA MERYENDA ng mga Marcos na nagpapatibay lamang ito ng kanilang solidong pagsuporta sa mga Marcos.

Nakilala ang tinaguriang “Solid North” noong panahon ni dating Pangulong Ferdinand E. Marcos kung saan karamihan, o halos lahat, sa lahing Ilocano ay sumusuporta noon sa kanya na tinawag din sa Ilocandia na “Apo Lakay”.

Ngayong nakapagpakita ng kanilang lakas ang Ilocandia na solidong sumusuporta sa mga Marcos, tanging ang anunsyo mula kay Bongbong Marcos, o BBM, ang inaantabayanan nila upang pormal nang ikampanya ang kanilang pambato para sa presidential race sa 2022.

Batid ng mga Ilokano na ­inagawan ng panalo noong panahon ng administrasyong Aquino ang kanilang kababayan na si BBM, gamit ang makabagong makina ng halalan.

Kung mayroong Solid North, mayroon kayang matatawag na Solid South?

Ito’y makaraang aminin ni Mayor Sara Duterte-Carpio sa panayam sa kanya sa Cebu City ang pagkandidato niya sa pampanguluhang eleksyon.

Ang problema ni Mayor Sara ay si Senador Manny Pacquiao na taga-General Santos City, isang Mindanaoan na sinasabing isa sa mga kakandidato bilang pangulo na baka magbise sa kanya si Senador Aquilino “Koko” Pimentel upang ipakita naman sa Partido Demokratiko Pilipino – Lakas ng Bayan (PDP-Laban) Cusi faction ang kanilang kinaaanibang political party ang kanilang pagkadismaya sa ginawang pagpapatalsik sa kanila ng PDP -Laban na umano’y may basbas ni Pangulong Duterte.

Isa pa sa mga problema kung bakit hindi magiging solido ang Timog ay si Senate President Vicente Sotto III na ­pinapurihan pa ni Pangulong Duterte sa kanyang huling State of the Nation Address (SONA) na kakandidato bilang ­pangalawang pangulo ng bansa kasama si Senador Panfilo “Ping” Lacson bilang kanyang pangulo.

Sina Sotto at Lacson ay sinasabing dala, o bitbit, ng Central Visayas Region, partikular ng Cebu.

‘Pag nagkagayon, dito makikita ang kalamangan ng tinaguriang Solid North sa pagsuporta sa kanilang kandidatong si BBM.

Batay naman sa pagtaya ng mga analyst, ‘di bababa sa limang mga presidentiable ang maglalaban-laban sa eleksyon.

Read More

MATINDING KORAPSYON SA IMPORTASYON NG SIBUYAS

0

NAPAKAMAHAL ng presyo ng sibuyas hanggang ngayon.

Ang solusyon dito ng mga negosyante, ekonomista at mga opisyal ng Department of Agriculture (DA), partikular ang Bureau of Plant Industry (BPI), ay umangkat ng sibuyas mula sa mga katabing bansa.

Kapag maraming sibuyas sa palengke, siguradong matitigil ang pagtaas ng presyo ng sibuyas at mapabababa pa ang kasalukuyang presyo nito.

Iyan ay batay sa Law of Supply and Demand na pare-pareho nating pinag-aralan noong kolehiyo tayo.

Kahit nga ang mga tindera ng sibuyas ay ikinakatwiran ang nasabing batas ng galaw at balanse ng mga produkto sa palengke alinsunod sa kailangan ng mga tao tuwing tumataas ang presyo ng sibuyas.

Importanteng sangkap ang sibuyas sa pagluluto ng mga Filipino.

Isa ito sa mga ginagamit ng mga nagluluto upang maging malinamnam ang kakaining ulam ng bawat pamilya.

Nagdududa lang ako kung bakit madalas na hinaharang ng mga tauhan ng Bureau of Customs (BOC) ang inangkat ng mga negosyante na mga sibuyas.

Kadalasan, “misdeclaration” ang ikinakaso ng BOC dahil sa halip na puting sibuyas ang banggitin ng mga tauhan ng mga importer at ng kanilang Customs broker sa BOC, pulang sibuyas ang deklarasyon.

Sayang ang mga sibuyas na umaabot P10 milyon, o higit pa ang halaga, dahil hindi ito makalalabas sa mga teritoryo ng BOC.

Sa aking pagtatanong sa mga taong kabisado ang mundo ng importasyon ng sibuyas, nabanggit na mayroong korapsyon sa importasyon ng sibuyas.

Pokaragat na ‘yan!

Napakatindi raw ng korapsyon sa importasyon ng sibuyas, giit sa akin.

Matagal na raw nangyayari ‘yan.

Ang mga may pakana ng korapsyon ay ang mga korap sa DA at BPI.

Maliban d’yan, malaki raw ang ‘bayad’ at ‘padulas’ sa importation permit.

At kapag nakapasok na ang mga produktong agrikultural tulad ng sibuyas saanmang teritoryo ng BOC ay kung anu-ano ang ipinasisilip ng DA/BAI.

Pokaragat na ‘yan!

Ang kalakaran daw ay DPWH (‘Di Puwedeng Walang Hatag).

Kung totoo ito, napakasahol naman ng mga korap sa DA dahil mayroon nang korapsyon sa importasyon ng baboy na kinasasangkutan naman ng mga korap sa DA at Bureau of Animal Industry (BAI), tapos dito naman sa importasyon ng sibuyas.

Pokaragat na ‘yan!

Iyong mga korap lang ha, iyong mga masisiba nang husto sa pera ang binabanggit ko, kaya huwag kayong basta-basta magsasalita!

Mayroon umanong kumukuwestiyon mula sa DA/BPI hinggil sa pagpasok ng mga sibuyas sa bansa.

Kaya, sobrang higpit ng pagbusisi ng mga tauhan ng BOC upang siguradong wala umanong nilabag na batas, o anumang alituntunin, ang mga importer ng sibuyas.

Ang alam ko, isa ang DA sa mga unang kagawarang iniimbestigahan ng Task Force Against Corruption (TFAC) na pinamumunuan ni Justice Secretary Menardo Guevarra.

Ang imbestigasyon ay batay sa utos ni Pangulong Rodrigo Duterte makaraang malaman niya na palpak ang Presidential Anti-Crime Commission (PACC) mula kay Dante Jimenez hanggang kay Greco Belgica sa pag-iimbestiga laban sa katiwalian, korapsyon at pandarambong sa pamahalaan.

Ngunit, hanggang ngayon ay wala akong balita kung kasama sa mga inireklamo sa TFAC ang sinumang opisyal at kawani ng DA/BPI dahil sa korapsyon, partikular sa importasyon ng sibuyas.

Inanunsiyo kamakalawa ng beteranong senador na tatakbo sa halalan sa susunod na taon na sunud-sunod ang ilulunsad na imbestigasyon ng Senado ngayong pumasok na ito sa ikatlong sesyon laban sa mga korap na kagawaran.

DA ang isa sa puntirya ng mga senador.

oOo

CP: 09985650271 / Viber #: 09457016911

Read More

Gen. Cruz walang aksyon sa ilegalistang si ‘Kap. Biskotso’ ‘PAIHI’, JUETENG TALAMAK SA BATANGAS

0

SA kabila ng paulit-ulit na pagpuna hinggil sa petrol pilferage o paihi sa Batangas ay wala umanong aksyon ang pamunuan ni Region 4A chief B/Gen. Eliseo Cruz.

Ayon sa pagbubunyag ng isang ship captain, mistulang kalakaran na ang pagkakaroon ng petrol pilferage sa mga barko sa karagatan ng Batangas dahil sa kawalan ng aksyon ng mga awtoridad partikular si Gen. Cruz.

Sa pagtatanong ng SAKSI Ngayon, iniutos na umano ni PNP chief Gen. Guillermo Eleazar kay Gen. Cruz na imbestigahan ang katotohanan sa likod ng expose ng nasabing ship captain.

Ngunit marami ang nagtataka dahil tila hindi pa rin kumikilos si Gen. Cruz para matugunan ang mga reklamo.

Nabatid pa ng SAKSI Ngayon na isang ‘Kap. Biskutso’ ang gumagamit umano sa pangalan ni Gen. Cruz para magkaroon ng koneksyon sa mga sangkot sa buriki.

Base sa pagbubunyag ng ship captain, ang ‘tres musketeros’ na sina Arlon, Buloy at Ronald ang nagpapatakbo sa nakawan ng petrol products mula sa malawak na karagatan ng Batangas hanggang Visayas seas.

Ang tatlong musketeros na ito umano ang may protection sa kapulisan na regular na tumatanggap ng ‘lagay’ o bribe money sa sindikato, isa rito ang isang mataas na opisyal ng regional maritime police office.

Nabatid pa na hindi lang sa sindikato ng paihi at patulo pasok si Kap Biskotso dahil ginagamit din umano nito ang pangalan ni Gen. Cruz hanggang sa pangongolekta sa illegal vices.

Bukod dito, kilala rin umano si Kap Biskotso na hindi lang tong collector na ginagamit ng mga tiwaling police official kundi illegal gambling operator din dahil may rebisahan ito ng jueteng sa Brgy. 7, sa Poblacion Tanauan City.

Kabilang din sa kinokotahan ni Kap. Biskotso ang jueteng o bookies operator na sina Banog at Lito sa Malvar; Wally, Jun at Lito sa Sto. Tomas City; Timmy sa Mabini, Bauan at San Pascual; Zaldy at Bedung sa Taysan.

Sa Tanauan City, ang mga suki naman ay sina Anabel ng Pantay na Matanda, Bagsik ng Janopol, Benir, Angel, Ablao at Melchor ng Brgy. Darasa; Tano, Kap. Mario ng Brgy. Pantay na Bata, Jr. Biscocho ng Brgy. 7 at Putuhan, Lito ng Brgy. 7 at Putuhan at Perez ng Poblacion.

Kasama rin sa iniikutan sina jueteng financiers Ocampo ng Brgy. Bagbag, Emil, Ramil, Aldrin, Terio, Angke at Ms. Lilian ng Brgy. Sambat, Lawin at Ms. Dona ng Brgy. Pantay na Bata at Pantay na Matanda, Rowel, Tano at Berania ng Brgy. Trapiche, Engke, Cancio, Dama at Dexter ng Brgy. Ulango, pawang ng Tanauan City.

Sa Padre Garcia, ang jueteng operator na kinokolektahan ay sina Kap Tisoy at Kap Idol.

Sa Lipa City kung saan may pinakamaraming jueteng o STL bookies operator ay may lingguhang tara din si Kap Biskotso sa kinatatakutang “Big 4” na kinabibilangan nina alias Gary, Ms. Ana, alias Macoy Recto at Icaro, alias Lescano, na may kontrol naman sa koleksyon ng jueteng sa Brgy. Sabang at may 15 barangay kabilang din ang Poblacion, Lipa City.

Ang iba jueteng operator sa Lipa City ay sina alias Gary, alias Kap Zara, alias Kap Randy, alias Kap Fonti, alias Kap Gonzales, alias Kap Lacorte, alias Kap August, alias Ruben Sabedra, alias Lorenz, alias Neneng Dista, alias Vilma Tomboy, alias Liza, alias Linda, alias Hadjie at Aiza, alias Yema at limang iba pa, alias Kap Fernan, alias Meynard at alias Kapitana Wanita.

Bunga nito, marami ang nagtataka kung bakit walang aksyon ang liderato ng R4A police office laban kay Kap Biskotso.

Nagsisilbing hamon ngayon kay Gen. Cruz ang hulihin si Kap Biskotso at paimbestigahan ang mga kinasasangkutan nitong ilegalidad sa Batangas. (SAKSI NGAYON NEWS TEAM)

Read More

Kauna-unahang ginto ng Pilipinas sa Olympics makalipas ang 97 taon SALAMAT HIDILYN!

0

(SAKSI NGAYON NEWS TEAM)

BUMUHOS ang pagbati at pasasalamat kay Hidilyn Diaz matapos nitong masungkit ang kauna-unahang Olympic gold medal at wakasan ang 97 taon ng pag-asam dito ng Pilipinas.

Luha ng kasiyahan

Inilarawan nina Senador Sonny Angara at Grace Poe bilang makasaysayang pagluha ng kasiyahan ang pagkapanalo ni Hidilyn sa kabila ng mahinang suporta ng pamahalaan.

Sa magkakahiwalay na pahayag, kapwa nagpasalamat sina Angara at Poe kay Diaz sa pagbibigay ng karangalan sa Pilipinas.

Ayon kay Angara, pawang makasaysayan ang pagkapanalo ni Diaz dahil bukod sa kauna-unahang gintong medalya, nalampasan din niya ang sariling record sa pagkapanalo ng silver sa Rio De Janeiro, Brazil noong 2016.

“Mabuhay siya! Nilampasan pa niya ang achievement niyang silver sa Rio. Nakaukit ang pangalan niya sa kasaysayan ng Pilipinas dahil sa kauna unahang gold medal 🥇 ng bansa. Congrats sa kanya, sa coaches niya, mga taga Zamboanga, at sa buong bansa na binigyan niya ng rason [mag-celebrate] at matuwa at magkaisa!” dagdag ni Angara.

Para naman kay Poe, nagpasalamat ang senadora kay Diaz sa paghahatid ng karangalan sa bansa sa unang pagkakataon na magwagi sa weightlifting event sa Tokyo 2020 Olympics.

“Sa unang pagkakataon sa mahabang panahon, we shed tears of joy. Salamat, Hidilyn, sa makasaysayang tagumpay at karangalang ibinigay mo sa bansa at sa bawat Pilipino,” ayon kay Poe.

Kaugnay nito, bilang pangunahing awtor at isponsor ng Republic Act 10699 or the National Athletes and Coaches Benefits and Incentives Act na nilagdaan ni dating Pangulong Aquino noong 2015, sinabi ni Angara na makatatanggap si Diaz at kanyang coaches ng cash rewards.

Pararangalan

Nagkaisa naman sina Senador Manuel “Lito” Lapid at Senador Risa Hontiveros na bigyan ng pagkilala ng Senado si Diaz dahil tinugon nito ang matagal nang inaasam ng Pilipinas na magkaroon ng gintong medalya sa Olympics.

Sa inihaing PSR No. 800 ni Lapid, natapos na ang ilang dekadang pagkagutom ng Pilipinas sa Olympic gold medal at tanging si Diaz ang nagbigay ng sagot.

Sa Senate Resolution No. 798 naman ni Hontiveros, chairman ng Senate Committee on Women, Children, Family Relations and Gender Equality, karapat-dapat lamang na parangalan si Diaz na bukod sa kakaibang galing nito ay itinaas din nito ang pagiging babae.

Maging sa Kamara ay nagbunyi ang mga mambabatas at nagpaabot ng pasasalamat kay Hidilyn.

“You made history and we are super proud of you! Muchisimas gracias for your hard work in bringing home our FIRST-EVER OLYMPIC GOLD MEDAL,” ayon kay  Zamboanga City Rep. Mannix Dalipe na naghain din ng resolusyon para bigyang parangal ang kababayan.

“Salamat Hidilyn, binuhat mo sa iyong balikat ang buong sambayanan Pilipino! Isa kang maituturing na bayani sa larangan ng isports. Mabuhay ang mga kababaihan!,” ayon naman kay Deputy Speaker Bernadette Herrera.

Maging ang kinatawan ng kababaihan sa Kamara na si Gabriela party-list Rep. Arlene Brosas ay walang hanggan ang pasasalamat kay Diaz dahil sa gitna ng kalungkutan at pagkadismaya ng sambayanang Filipino sa gobyerno ay binigyan nito ng pag-asa at pinangiti ang kanyang mga kababayan.

“She has made Filipino women and the people extremely proud, lifting our spirits high on the same day the chief executive let us all down with his winding empty speech,” ani Brosas na ang tinutukoy ay ang huling State of the Nation Address (SONA) ni Pangulong Rodrigo Duterte.

“Our heartfelt congratulations to Filipino weightlifter Hidilyn Diaz for her historic gold medal win in the 2020 Tokyo Summer Olympics. Thank you for claiming the country’s first Olympic gold medal. You have made us all proud!,” ayon naman kay Speaker Lord Allan Velasco.

Commissioned officer

Samantala, iminungkahi ni Senador Panfilo Lacson sa liderato ng Philippine Air Force (PAF), na gawing commissioned officer si Hidilyn kung papayagan ng batas at regulasyon ng AFP.

“As chairman of the Senate Committee on National Defense and Security, I would strongly recommend to the AFP leadership that she be given a rank as a commissioned officer of the PAF. It’s the least the service can give her,” banggit ni Lacson sa panayam sa CNN Philippines.

“Such a commission – either as a reserve or regular officer – is not just in recognition of her extraordinary feat, but also in recognition of her great potential to provide a good example to her fellow soldiers both as an athlete and as a leader,” banggit ng mambabatas.

Binati rin ng Malacañang

Kaisa rin ang Palasyo ng Malakanyang sa pagbati kay Hidilyn sa natamong tagumpay sa olimpiyada.

Sinabi ni Presidential spokesperson Harry Roque na ang buong sambayanang Filipino ay proud kay Hidilyn.

“The Palace congratulates Hidilyn Diaz for bringing pride and glory to the Philippines for winning the country’s first-ever Olympic gold medal (weightlifting women’s 55kg). Congratulations, Hidilyn. The entire Filipino nation is proud of you. Laban, Pilipinas!” ayon kay Sec. Roque.

Ito ang kauna-unahang gold medal ng Pilipinas mula nang sumabak sa Olympics noong 1924.

Hidilyn Diaz, ‘immortal’

Para naman kay House Majority leader Martin Romualdez, magiging imortal na ang pangalan ni Hidilyn sa kasaysayan ng bansa partikular na sa mundo ng palakasan dahil sa unang gintong medalya ng Pilipinas sa Olympics.

“Hidilyn Diaz is now a national treasure. Her name will be immortalized as the first Filipino to win a gold medal in the Olympics.

Hidilyn’s victory showcased the spirit of the Filipino to persevere against all odds,” ani Romualdez.

Hero’s welcome

“We have a hero’s welcome waiting for her when she comes home,” pagtiyak naman ni Deputy Speaker Mikee Romero na kasama sa nangakong magbibigay ng P3 million sa bawat atleta na makapag-uuwi ng gintong medalya.

“Hidilyn’s Olympic gold is exactly the morale boost our country needs right now as we wage the war against COVID-19 and get our country back on the road to economic recovery,” ayon pa kay Romero.

Natupad na pangako

Sa kanyang panalo, natupad ni Hidilyn Diaz ang sinumpaang pangako na sisikapin at iaalay ang kanyang panalo sa lahat ng biktima ng bumagsak na PAF C-130 cargo plane kamakailan.

Agad naman nagpahatid ng pagbati ang Department of National Defense; Armed Forces of the Philippines at pamunuan ng Philippine Air Force kay Sergeant Hidilyn Diaz.

“Her success is a testament to the unwavering spirit of the Filipino to rise above all odds, ani DND Sec. Delfin Lorenzana.

“Her masterful performance in the Tokyo 2020 Olympics, where she also set an Olympic record in the 55kg division, brought pride and glory to the AFP and the country,” bahagi naman ng pagbati ani AFP chief of Staff Gen. Cirilito Sobejana.

Habang ang buong pwersa ng Philippine Air Force sa pangunguna ni PAF Commanding General, LTGen. Allen T Paredes ay nagpahayag ng “We wish her the best moving forward. Soar high, airwoman!”

Bukod kay Hidilyn, nangako rin ang kapwa Olympian na kasapi ng PAF na si Eumir Felix Marcial na iaalay nila ang kanilang panalo sa kanilang mga kasamahang nasawi sa C-130 crash.

Sa kanilang pahayag bago tumulak ng Japan, sinabi ng dalawa na, “We offer our best performance in our respective events to our countrymen and our fellow soldiers, especially those who suffered in the tragic C-130 plane crash.”

Noong 2019, isinama ng Malakanyang sa pamamagitan ng noon ay Presidential spokesman at ngayon ay Chief Presidential Legal Counsel Salvador Panelo si Hidilyn sa mga nais umanong pabagsakin ang administrasyong Duterte.

Nagulat at natawa na lang noon si Diaz at sinabing sobrang busy siya sa kanyang training at wala siyang panahon sa iba pang mga bagay. (BERNARD TAGUINOD/ESTONG REYES/NOEL ABUEL/CHRISTIAN DALE/JESSE KABEL)

Read More