PINAPAYAGAN naman ng IATF ang mga indibidwal na may edad 65 pataas na makalabas ng kanilang bahay para personal na makapaghain ng kanilang certificates of candidacy sa national office at mga itinalagang field office ng Commission on Elections (Comelec).

Ang mga naturang indibidwal ay kikilalanin bilang Authorized Persons Outside of Residence mula Oktubre 1 hanggang 8, 2021, “regardless of community quarantine classification and vaccination status.”
Inaprubahan din ang naging kahilingan ng airlines na i-resume o ipagpatuloy na ang international transit hub operations.

Ang nabanggit na international transit hub operations ay magiging limitado sa airside transfers sa pagitan ng Terminals 1 at 2, at sa loob ng Terminal 3 ng Ninoy Aquino International Airport, at limitado para sa mga bansa/jurisdictions/territories na kasama sa Green List.

“As such, protocols for the controlled movement of passengers and health and safety protocols within the terminals shall be strictly observed,”ayon kay Presidential spokesperson Harry Roque.
Ang mga biyahero na magpapakita ng sintomas ay kailangan kaagad i-isolate at sumunod sa quarantine protocols na sasagutin ng sponsoring airlines. (CHRISTIAN DALE)