ITINAAS na ang Signal No. 1 sa ilang lugar dulot ng pagpasok ng Bagyong Leon kaya nagkukumahog ngayon ang iba’t ibang search and rescue unit maging ang mga nagsasagawa ng Humanitarian Assistance and Disaster Relief Operation sa mga lugar na sinalanta ng Severe Tropical Storm Kristine na nag-iwan ng 116 patay habang nasa 29 ang reported missing, ayon sa datos ng National Disaster Risk Reduction and Management Council kahapon ng umaga.

Pinangangambahang patuloy na madaragdagan ang bilang ng casualties sa pananalasa ng nagdaang Bagyong Kristine.

Sa datos ng NDRRMC, nasa 155 na ang bilang ng feared dead and missing, habang nasa 109 naman ang injured base sa nakakalap na report na kailangan munang sumailalim sa validation ng Office of Civil Defense.

Ayon sa NDRRMC, ang reported figure na nasa kanilang infographic ay hindi kasama sa kanilang inilalabas na situational report. (JESSE KABEL RUIZ)