ARESTADO ang isang 30-anyos na lalaki sa ikinasang anti-illegal drug operation ng mga tauhan ng Station Drug Enforcement Unit (SDEU) ng Police Station 9 ng Manila Police District, sa Roxas Boulevard, Barangay 720, Malate, Manila kahapon ng madaling araw.

Kinilala ang arestong suspek na si alyas “Leandro Vega”, jobless, residente ng Pasay City.

Ayon sa ulat ni Police Lieutenant Celso Sorita Jr., hepe ng SDEU, kay Police Lieutenant Colonel Nelson Cortez, station commander, bandang alas-3:30 ng madaling araw nang ikasa ng mga operatiba ang buy-bust operation na nagresulta sa pagkakadakip sa suspek.

Nakumpiska mula sa suspek ang 70 gramo ng hinihinalang shabu na tinatayangP476,000 ang street value.

Ang suspek ay nahaharap sa kasong paglabag sa Section 5 at 11 ng Article II ng Republic Act 9165 o Comprehensive Dangerous Drugs Act of 2002. (RENE CRISOSTOMO)