BULACAN – Dalawa ang kumpirmadong nasawi habang 20 ang sugatan matapos mawalan ng kontrol ang isang modernized jeepney at sumalpok sa kasalubong na tricycle bago mahulog sa gilid ng tulay sa MacArthur Highway, Brgy. Iba O Este, sa bayan ng Calumpit noong Martes ng hapon.

Base sa panimulang imbestigasyon, nangyari ang insidente dakong alas-1:40 ng hapon nang mawalan umano ng preno ang isang CARMEXSS E-Jeep na may plate no. NIF2746 at minamaneho ni alyas “Orlando”, 53, residente ng Santo Tomas, Pampanga.

Ang nasawing mga biktima ay kinilalang sina “Johnny”, 44, tricycle driver, at “Angelica”, 27-anyos.

Sugatan naman sina “Armando”, 74; “Rex”, 27; “Myra”, 51; “Anjela”, 19; “Hans”, 19; “Leo”, 51; “Angelo”, 41; “Trisha Mae”, 21; “Archie”, 21; “Lance”, 20; “Lauro”, 20; “Ayen”, 21; “Kate”, 20; “Rolando”, 53; “Jenny Rose”, 29; “Kyla”, 21; “John Paul, 22; “Jenny”, 20; “Karen”, at “Sophia”, 18-anyos.

Nabatid na nawalan umano ng preno at kontrol ang nasabing electronic jeepney at sinalpok ang kasalubong na Rusi motorcycle with sidecar (Plate No. CO69933) hanggang tuluyang nahulog sa gilid ng tulay.

Agad isinugod sa Bulacan Medical Center ang dalawang driver at mga pasahero kung saan nasawi ang dalawang biktima.

Sinampahan ng kasong reckless imprudence resulting in homicide, multiple injuries and damage to property ang driver ng e-jeep. (ELOISA SILVERIO)