PATAY ang isang miyembro ng New People’s Army (NPA) nang maka-engkwentro ng rebeldeng grupo ang mga tauhan ng Philippines Army’s 401st Infantry Brigade dakong tanghali noong Miyerkoles, sa liblib na bahagi ng Sitio Bulacan, Barangay Bolhoon, San Miguel, Surigao del Sur.
Ayon kay Col. Glenn Joy Aynera, commander ng 401st Infantry Brigade (401Bde), nasamsam ng pinagsanib na tropa ng 75th Infantry Battalion (75IB) at 3rd Special Forces Battalion, ang limang high-powered firearms sa encounter site.
“The operation was initiated following a tip-off from a resident who had grown weary of the presence of the Communist Terrorist Group (CTG) members, who reportedly extorted money and food supplies from the community,” ani Aynera.
Kinilala ang mga rebelde bilang remnants ng Regional Operations Command (ROC) ng North Eastern Mindanao Regional Committee (NEMRC), na pinamumunuan ni Edilberto Reponte Daval, kilala rin bilang “Ka Bong” o “Wako”.
Natagpuan ng mga sundalo ang bangkay ng isang “Ka Keroy,” miyembro ng ROC-NEMRC, matapos abandonahin ng mga rebelde ang kanilang pwesto.
(JESSE RUIZ)
65 
