NAGLUNSAD ng dalawang araw na workshop ang Presidential Task Force on Media Security (PTFOMS) at Presidential Communications Office (PCO) para sa mga babaeng mamamahayag mula sa iba’t ibang panig ng bansa.
Dinaluhan ng humigit-kumulang 75 journalists mula sa iba’t ibang media platforms ang aktibidad na may temang “Empowering Women Journalists to Institutionalize Gender-Responsive Media Protection.”
Layunin ng workshop na palakasin ang kapasidad ng mga kababaihang mamamahayag at bumuo ng panimulang pamantayan para sa kanilang kaligtasan at proteksyon.
Ayon kay PTFOMS Executive Director Usec. Joe Torres Jr., mahalaga ang papel ng kababaihan sa media sa pagbibigay ng mas malalim at balanseng pagtalakay sa mga isyu ng lipunan.
“The indispensable presence of women in media ensures that the narratives of our society are recounted with depth, balance, and humanity,” ani Torres.
Suportado ang programa ng Delegation of the European Union to the Philippines at Asian Center for Journalism sa Ateneo de Manila University.
Kabilang sa mga dumalo sina EU First Secretary Frederic Grillet, Department of Justice Assistant Secretary Atty. Randolph Pascasio, PCO Assistant Secretary Mariel Eduarte, Commission on Human Rights Chairperson Atty. Richard Paat Palpal-Latoc, at Department of Foreign Affairs Director Stacey Danika Alcantara-Garcia.
(JESSE RUIZ)
71 
