(Ni DANG SAMSON-GARCIA)

IGINIIT ni Senate President Vicente “Tito” Sotto III na napapanahon na upang i-update at gawing moderno ang kampanya laban sa mga drug syndicate sa bansa.

Sinabi ni Sotto,  matapos mabunyag ang koneksyon sa pagitan ng illegal drugs operators at mga tiwaling police officers, dapat nang i-level up ng gobyerno ang mga hakbangin upang magsugpo ang problema sa droga.

“Despite the various measures currently in place to curtail this social ill, the war against it has not yet been won. Hence, the government is in a continuous search for an effective and efficient means to somehow get us closer to our victory,” diin ni Sotto.

Dahil dito, iginiit ni Sotto ang agarang pag-apruba sa kanyang Senate Bill Number 3 o ang panukala ng pagtatatag ng Presidential Drug Enforcement Authority  upang palakasin ang kampanya at magkaroon ng matalas na ngipin laban sa big-time illegal drugs peddlers at sa kanilang mga kasabwat sa mga awtoridad.

Sa ilalim ng ipinapanukalang ahensya, pagsasama-samahin ang enforcement, prosecution, prevention at rehabilitation efforts.

“Since these four have to be in sync, a supervisory agency has to step in in order to ensure that the concerned government agencies mandated to perform several duties under Republic Act No. 9165 (Comprehensive Dangerous Drugs Act of 2002) are doing the same satisfactorily,” paliwanag ni Sotto.

Aminado ang senador na sa kasalukuyang set up, bigo ang gobyerno na mapuksa ang iligal na operasyon ng mga sindikato ng droga dahil may mga abusadong awtoridad na nakikipagsabwatan sa mga tiwali.

“We need to further dig deeper into our mental arsenal and discover new tactics to put an end to this. We all need to exhaust our ideas and efforts,” saad ni Sotto.

“After many years, we need to keep improving and put in a lot of revisions into the old law and upgrade the functions of PDEA,”  dagdag nito.

Iginiit pa ng lider ng Senado na kailangang patuloy ang pag-aadjust ng mga istratehiya at taktika upang labanan ang naiibang operasyon ng mga sindikato.