PINAGHAHANDAAN ng Bureau of Customs – Subport of Dunaguete ang inisasyon ng ISO project na nakasentro sa management review upang makasabay sa pandaigdigang kalakalan.

Noong nakalipas na Linggo, dinalaw ng mga miyembro ng Quality Management System Coordinating Team (QMS-CT) sa pangunguna ni Director Leandro Loyao III, head, Interim Internal Quality Management System Office (IIQMSO) ang Subport of Dumaguete.

Nagbigay ang mga ito ng ilang mahahalagang bagay na dapat gawin sa paghahanda ng BOC – Subport of Dumaguete sa aplikasyon nito sa ISO 9001:2015 Certification.

Umalalay din sina Deputy Commissioner Donato San Juan, ng BOC Internal Administration Group,a Port of Cebu District Collector Atty. Charlito Martin Mendoza at Deputy Collector for Operations Atty. Marc Anthony  Patriarca .

Kasama sa mga dumalo sina Fe Lluelyn, Ganir Toring, Aries White, Gina Fatima Lasola, George Flores, Laureen Santos, Enersto Lapueta, Christine Angue, Philbert Villarin, Kyla Raine Flores, Rey Jr. Pinero, Maria Hazel Jamito Fuentes, Jeorge de Jesus at Melguiades Ocat.

Sa sandaling maging International Standard Operation (ISO) na ang Subport of Dumaguete ay makakasabay na ito sa pandaigdigang kalakalan.

Ito rin ay bahagi nang ipinatutupad na pagbabago ng Bureau of Customs (BOC) sa pangunguna ni Commissioner Rey Leonardo Guerrero sa pamamagitan ng Republic Act No. 10863 o mas kilala sa tawag na “Customs Modernization and Tariff Act (CMTA)”. JO CALIM