BINIGYANG-DIIN ng Malakanyang na patuloy na ini-enjoy ng Philippine media workers ang kanilang kalayaan sa pagsusulat ng kahit anomang news report na may kinalaman sa administrasyon ni Pangulong Rodrigo Roa Duterte.
“Media remains alert and vibrant in their reportage of the government and the actions of officials,” ayon kay Presidential Spokesperson Harry Roque.
Tugon ito ni Sec. Roque sa July 3-6 poll na isinagawa ng Social Weather Stations (SWS), na nagpapakita na 51 porsiyento ng mga Filipino ay naniniwala na mapanganib ngayon ang
maglathala o mag- broadcast ng kahit na anomang kritikal sa gobyerno kahit pa ito’y totoo.
May 23 porsiyento naman ng respondents ang “strongly agreed”, habang 27 porsiyento ang “somewhat agreed”, ayon sa SWS.
Nakasaad pa rin sa SWS, tanging 30 porsiyento ang hindi sumasang-ayon habang 18 porsiyento ang hindi sigurado sa bagay na ito.
May 1,555 adult Filipino sa buong bansa ang kinapanayam sa pamamagitan ng mobile phone at computer-assisted telephone.
Giit ni Sec. Roque, inaasahan na nila ang poll results lalo pa’t ang tanong ng SWS ay ginawa bago ang desisyon ng Kongreso sa franchise renewal ng local media giant na ABS-CBN Corp.
Tinukoy ni Sec. Roque ang desisyon noong Hulyo 10 kung saan binasura ng Kongreso ang aplikasyon ng ABS-CBN para sa bagong 25-year legislative franchise para maipagpatuloy ng nasabing network ang kanilang broadcast operations.
Matatandang itinigil ng ABS-CBN ang kanilang broadcast operations noong Mayo 5, isang araw matapos ang expiration ng legislative franchise ng network, alinsunod sa National
Telecommunications Commission’s (NTC) cease and desist order.
“Surveys, as we often said, reflect the opinions of the respondents at the time the data were gathered. This might have impressed upon the minds of the respondents who participated in the
survey,” ayon kay Sec. Roque.
Gayunpaman, giit ni Sec. Roque, na ang free speech at press freedom sa bansa ay nananatiling protektado sa ilalim ng liderato ni Pangulong Duterte.
Binigyang-diin pa nito na wala aniyang plano si Pangulong Duterte na maghain ng kahit na isang
libel case laban sa political opposition.
“Be that as it may, the Duterte administration continues to respect the freedom of speech and the freedom of the press in the country,” ayon kay Sec. Roque. (CHRISTIAN DALE)
226 
