ITINALAGA ni Pangulong Rodrigo Duterte si Atty. Warren Rex Liong bilang over-all deputy ombudsman na bahagi ng pagpapalakas ng Office of the Ombudsman.
Si Liong ay miyembro ng Board of Directors ng Philippine Reclamation Authority (PRA) simula Marso 2017. Siya ay nagtapos ng abogasya sa Ateneo de Davao University noong 2006 at Bachelor of Science in Accountancy sa De La Salle University (Manila) noong 1999.
Malaki ang tiwala ni Duterte kay Liong mula nang maging election lawyer ito ng una noong 2007 at 2010.
Naging legal consultant naman siya ni Duterte noong bise alkalde ng Davao City ang huli mula Agosto 2010 hanggang Hunyo 2013.
Naipuwesto bilang pinuno ng legal division ng Philippine Health Insurance (PhilHeallth) sa Rehiyon 11 mula Pebrero 2016 hanggang Disyembre 2016. (NELSON S. BADILLA)
353 
