ZAMBALES – Napatay ng mga tauhan ni Zambales Provincial Police Office chief, P/Col. Romano V. Cardiño ang isang miyembro ng drug syndicate matapos makipagbarilan sa ikinasang anti-narcotics operation sa bayan ng San Narciso, noong Lunes.

Ayon kay P/Lt. Col. Generico Biñan, pinuno ng Zambales Provincial Intelligence Branch, napatay sa buy-bust operation sa Purok 4, Brgy. Simminublan, San Narciso, Zambales si Russel Tuceno y Esposo alyas Nonong, miyembro ng Ducusin drug group.

Si Tuceno, nakatala bilang top 8 priority target drug personality at No. 1 most wanted person sa bayan ng Iba sa lalawigan ng Zambales, ikinokonsiderang armed and dangerous, ay nanlaban umano nang matunugan na pulis ang katransaksyon nito sa bilihan ng droga sa Brgy. Simminublan.

Nilinaw ng mga awtoridad ang detalye ng koordinasyon sa PDEA kaugnay ng operasyong ito sa ilalim ng ‘coordination no.10004-032021-0222 with duration period of 2330H March 7, 2021 to 2330H March 8, 2021 duly received by duty PDEA RTOC IO Vicky Pawen’.

“The PNP Zambales proved once again that the long arms of the law still exist. It was the Zambales PPO’s vast experience and effort in dealing with criminality that made things possible, lest to say the commitment of PNP ZAMBALES to its sworn duty to eradicate crimes,” ani Col. Cardiño. (JESSE KABEL)