NAGPAHAYAG ng pakikiramay ang Presidential Task Force on Media Security (PTFoMS), sa pamamagitan ni Executive Director Usec. Joel Sy Egco, sa pamilya ng comedian at disc jockey na si Rizalino Torralba ng DYRD102.3 Kiss FM, o kilala bilang “Inday Ruping,” sa pagkamatay nito.

“We at the Presidential Task Force wish to extend our deepest condolences and sympathies to the family, friends and colleagues of Rizalino Torralba. We are greatly saddened for your loss.”

Si Torralba, miyembro ng LGBTQ community, ay namatay matapos umanong barilin ng kanyang personal driver na si Andrew Allanic Fronteras sa isang inn saTagbilaran City, Bohol noong Sabado.

“If anyone of our broadcasters or journalists feel threatened in any way, the Task Force is here to help you 24/7. We are just a phone call away and we will provide you with immediate security and protection if you feel you are in any sort of danger.” pahayag pa ni Egco.

Ayon pa kay Egco, bagama’t personal ang motibo ng pagpaslang kay Inday Ruping, titiyakin ng Task Force na mabigyan ng hustiya ang pagkamatay nito sa pamamagitan ng kahilingan niya sa Philippine National Police (PNP) na magsagawa ng kaukulang imbestigasyon sa insidente.

Ayon sa PNP investigators, si Torralba ay natagpuang wala nang buhay sa loob ng isang kuwarto sa Backpacker’s Inn.

Sa initial report na isinumite sa PTFoMs ng Tagbilaran City Police Station, sa pamumuno ni P/Col. Mary Crystal Peralta, ang biktima ay tinamaan ng limang bala sa kanyang “right upper chest” na nagresulta sa kanyang kamatayan. (JOEL O. AMONGO)