ni joEL O. AMONGO

Naglunsad nang National Customs Enforcement Network (nCEN) System ang Bureau of Customs sa pamamagitan ng Risk Manag­ement Office (RMO) na isinagawa sa OCOM Conference Room ng BOC.

Ang nasabing paglulunsad ay nakalinya sa implementasyon ng CMO 8-2021 o ang panuntunan ng paggamit ng National Customs Enforcement Network (nCEN) System ng World Customs Organization (WCO) na nagkabisa noong nakaraang Pebrero 8, 2021.

Ang okasyon ay dinaluhan nina BOC Commissioner Rey Leonardo B. Guerrero, Ms. Agnieszka Bielatko, Senior Technical Officer ng Customs Enforcement Network (CEN) ng WCO at lahat ng BOC offices na naging parte ng pagmamantina ng nCEN database.

Sa kanyang pananalita, sinabi ni Bielatko na buong pagmamalaki niyang ibinahagi ang naging ambag ng Pilipinas sa NCEN Project.

“There is one additional development in the NCEN which I’m really glad about. This development was initia­ted by colleagues from the Philippines. During one of our virtual meetings with the customs officers involved in the NCEN project, we discussed the idea of uploading the NCEN cases to an offline component. With the suggestion from a colleague of the Bureau of Customs, we mana­ge to help the local NCEN users to upload the data while offline, thus, global users will greatly benefit from this new development”, ani Bielatko.

Ang nCEN at global CEN data ay malaking tulong sa Bureau sa pagbuo ng countermeasures para labanan ang smuggling at iba pang uri ng pandaraya sa buwis.

Sa huli, ang database ay makatutulong sa mahusay na pagkalap ng kapani-paniwalang intelligence information at makabuo ng tumpak na pagsusuri na makabuluhang makapagbigay para sa dekalidad na serbisyo na ang Bureau of Customs ay makapagbigay sa national at global counterparts.

Ang Risk Management Office ay magsisilbi bilang National Contact Point (NCP) para sa NCEN Philippines ay magiging responsable sa data sharing kasama ng Global Customs Enforcement Network at pangasiwaan ang maintenance ng database ng lahat ‘smuggling cases, seizures and offenses, suspicions, and related data of consignees uploaded in NCEN for risk assessment’.

Sa kasalukuyan, 2,196 seizure cases ang nai-upload na sa nCEN database na gagamitin para sa analysis ng ilegal na kalakalan at nararapat para sa pagkilala sa kalakaran na inilapat sa pagpapatupad.

Ang nasabing paglu­lun­sad ng NCEN sa Bureau of Customs, kasama ng iba pang BOC moderni­­za­tion projects ay magpapatuloy na magbigay ng kapangyarihan sa Bureau sa pagpapalakas ng border security at maghahatid sa isang makabago at kapani-paniwalang customs administration na kung saan ay isa sa pinakamahusay sa mundo.