Agad klinaro ng Bureau of Customs-Port of NAIA (BOC-NAIA) at Inter-Agency Task Force (IATF) ang first batch ng Pfizer-BioNTech COVID-19 vaccine nang dumating ito sa bansa kamakailan.

May kabuuang 193,050 doses ang dumating na bakuna ng Pfizer via DHL Flight No. LD 457 mula Denmark at binantayan din ng BOC sa paghatid sa Pharmaserv Warehouse.

Ang pagdating ng shipment ay sinaksihan nina National Task Force (NTF) Deputy Chief Implementor Vivencio B. Dizon, DOST Sec. Fortunato Dela Peña, Office of the Cabinet Secretariat (OCS) Sec. Karlo Nograles, MMDA Chairman Benjamin Abalos, Usec. Robert Borje, Pfizer PH Country Manager Edilberto Reyes, DOH Usec. Leopoldo Vega, DOH Usec. Carolina Vidal-Taiño, DOF Usec. Mark Joven, Chargé d’Affaires John C. Law, WHO Rep. Dr. Rabindra Abeyasinghe, United Nations International Children’s Emergency Fund (UNICEF) PH Rep. Oyunsaikhan Dendevnorov, UN Rep. Gustavo Gonzales, at BOC-NAIA District Collector Carmelita Talusan.

Ang Pfizer COVID-19 vaccine na gawa ng United States of America ay binigyan ng Emergency Use Authorization (EUA) ng Food and Drug Administration (FDA) noong nakaraang Enero 14, 2021.

Bago pa dumating ang shipment ay pre-cleared na ito sa BOC-NAIA One-Stop-Shop.

Ito ay ang pang 12th batch ng COVID-19 vaccines na klinaro ng Bureau of Customs na may kabuuang 7,764,050 doses ng COVID-19 vaccines.

Matatandaan ang mga nakaraang shipments na klinaro rin agad ng BOC ay may 5 million doses ng Sinovac, 2,556,000 doses ng AstraZeneca at 15,000 doses ng Sputnik V.

Kaugnay nito, ang BOC NAIA sa ilalim ng pamumuno ni Commissioner Rey Leonardo B. Guerrero, ay nangako sa pagpapabilis ng clearance at pagre-release ng lahat ng DOH COVID-19 vaccines bilang buong suporta nila sa government’s inoculation program.
(Jo Calim)