TINIYAK ng Bureau of Customs – Davao (BOC – Davao) na ang 99 Seafarers na dumating sa Davao City ay walang dalang mga gamit na ipinagbabawal ng batas.
Sumailalim sa x-ray scanning ang mga manggagawa nang dumating sila sa Davao International Airport noong Hunyo 16.
Nanggaling sila sa Indonesia.
Hindi rin nahirapan ang mga seafarer sa BOC – Davao dahil maayos at mabilis na iprinoseso ang kanilang pagdating sa bansa.
Katuwang ng BOC – Davao ang Customs Airport Operations Unit nito para sa mabilis na pag-aasikaso ng kanilang mga clearance.
Ang kabuuang operasyon ay pinangunahan ng pamahalaang lungsod ng Davao, sa pamamagitan ng City Tourism Operations Office, kung saan kaagapay ang BOC – Davao, Bureau of Quarantine (BOQ) XI, Bureau of Immigration (BOI) XI, Philippine National Police-Police Regional Office (PNP-PRO) XI, Overseas Workers Welfare Administration (OWWA) at Civil Aviation Authority of the Philippines (CAAP).
140
