“VISION is seeing the invisible.” Ito ang naging pahayag kahapon ni PNP-PRO5 Regional Director P/BGen. Jonnel C. Estomo matapos na madakip ng kanyang mga tauhan ang dalawang kasapi ng communist terrorist group (CTG) New People’s Army ng National Democratic Front sa Milagros, Masbate.
Kinilala ni P/BGen. Estomo ang mga nadakip na sina Randy Cabarles Hermina at Elias Sinco Albao.
Nabatid na ang dalawang nadakip na CTG ay kinilalang mga aktibong kasapi ng Militiang Bayan ng Larangan 2, Kilusang Partido 4 sa ilalim ng pamumuno ni Ka Luding Tulingan, secretary general ng Masbate, at naninirahan sa Purok 3, Brgy. Matiporon, Milagros, Masbate.
Ang mga suspek ay inaresto sa inilunsad na law enforcement operation ng mga elemento ng PNP-PRO5 Regional Intelligence Division-Regional Special Operation Unit 5 sa Purok 3, Brgy. Matiporon, Milagros, Masbate.
Ang mga suspek ay pakay ng warrant of arrest na inilabas ni Executive Judge May Flor D. Tabigue-Logarta ng RTC Branch 44, Fifth Judicial Region, Masbate City, na may petsang Abril 14, 2021, kaugnay sa kasong nangyari sa Brgy. Cabasaan, Aroroy, Masbate noong Enero 2021.
Nabatid na ang mga akusado ay responsable sa pagpatay sa dalawang hindi pa nakikilalang mga biktima.
Kapwa nagtago ang dalawa at naging kasabwat at supporters ng CTG at ng kilusan sa loob ng isang taon sa Purok 3, Brgy. Matiporon, Milagros, Masbate.
“If you see things as an obstacle, you are already conceding defeat. Just treat everything as a common path to reach your destination. As the Regional Director of PRO5, I want to give dignity to the authority given to me by not just threatening the individuals at large but by showing them we mean business. PRO5 does not want to be a mockery of police operations, rather, it wants to be the pillar of justice,” ani Gen. Estomo. (JESSE KABEL)
141 
