TULUYAN nang pinayagan ng Metro Manila Development Authority (MMDA) ang pagsasagawa ng exercise sa mga pampublikong lugar habang patuloy na nasa ilalim ng modified enhanced community quarantine ang Metro Manila.
Ayon sa MMDA, pwede na ang outdoor exercises sa panahon ng MECQ base sa IATF Omnibus Guidelines.
Nasa kapangyarihan naman umano ng local government unit kung magpapatupad ng limitasyon sa galaw, aktibidad o oras sa pagsasagawa ng ehersisyo o outdoor exercises sa kani-kanilang hurisdiksyon.
“The Metro Manila LGUs, however, can set limitations on the movement or the time period of outdoor exercises, in their jurisdiction based on their COVID-19 situation,” sabi ni Metropolitan Manila Development Authority (MMDA) Chairman Benhur Abalos, na hepe rin ng Metro Manila Council (MMC).
Hindi na anila ipinatutupad ang 6:00 am to 9:00 am outdoor exercises limitation.
Sa Omnibus Guidelines (Sec. 3.16, as of 19 August 2021), ang individual outdoor exercises gaya ng outdoor walks, jogging, running o biking, ay pinahihintulutan sa loob ng general area ng kanilang residence, gaya sa sakop ng barangay, purok, subdivision, at village.
Nararapat pa rin umanong sundin ang minimum public health standards at pag-iingat gaya ng pagsusuot ng face masks, at social distancing protocols. (DAVE MEDINA)
325
