TIGIL muna ang Manila Electric Co. (Meralco) sa pagpuputol ng kuryente o service disconnection activities sa mga lugar na nasa ilalim ng modified enhanced community quarantine (MECQ) hanggang katapusan ng Agosto.
Partikular na hindi muna magpuputol ng suplay ng kuryente sa National Capital Region (NCR) at Laguna.
“Disconnection activities are also suspended in other areas earlier placed under MECQ particularly Bulacan, Cavite, Rizal, and Lucena City until August 31, 2021,” dagdag pa ng abiso nito.
Para sa mga kostumer ng Meralco sa mga lugar na nasa ilalim ng general community quarantine, magiging maluwag at magbibigay pa rin ng konsiderasyon ang power distribution utility.
“Meralco will continue vital operations such as meter reading, bill delivery, and service crews will continue work around the clock to serve its customers,” dagdag na pahayag ng Meralco. (JG TUMBADO)
725 
