NOT one, but two Philippine women’s volleyball teams ang papalo sa Asian Women’s Club Volleyball Championship sa Nakhon Ratchasima, Thailand.
Kinumpirma ni Philip-pine National Volleyball Federation (PNVF) president Ramon “Tats” Suzara kahapon na dalawang national squads ang ipadadala nila sa AWC na gaganapin sa Oktubre 1 hanggang 7.
Sa ngayon ay may 22-member ang national pool sa ilalim nina women’s head coach Odjie Mamon at Brazilian consultant Jorge Edson Souza de Brito.
At dahil dalawang national teams ang sasabak, kailangan pa ng apat na players para makabuo ng tig-12 miyembrong koponan, ayon sa PNVF.
Kabilang sa women’s pool si Jaja Santiago, bagama’t malabo siyang makasama dahil nakatakda siyang bumalik sa Japan sa Setyembre bilang import ng Ageo Medics sa V.League.
Nakalista rin sina Aby Marano, Majoy Baron, Mylene Paat, Eya Laure, Mhicaela Belen, Kamille Cal, Imee Hernandez, Ivy Lacsina, Jennifer Nierva, Faith Nisperos, Bernadette Pepito, Ria Meneses, Dell Palomata at Iris Tolenada.
At Kalei Mau matapos makakuha ng ”eligibility to play” para sa Pilipinas, Philippine Volleyball League players Dindin Santiago-Manabat, MJ Phillips at Rhea Dimaculangan.
Inimbitahan din sa pool ng PNVF sina F2 Logistics stars Kianna Dy, Dawn Macandili at Tin Tiamzon.
Magsisimula ang bubble training ng women’s team sa Setyembre 1 sa University of the Assumption Gym sa San Fernando, Pampanga.
Nakatakda naman silang lumipad sa Thailand sa Setyembre 27.
273 
