SAMPUNG senador ang may perfect attendance at hindi rin na-late sa ikalawang regular session ng 18th Congress.

Ang 2nd regular session ay nagsimula noong July 27, 2020 hanggang June 3, 2021 at mayroong 69 session days.

Kasama sa 10 senador na ito sina Senate President Vicente ‘Tito’ Sotto III, Senators Nancy Binay, Bong Go, Panfilo Lacson, Lito Lapid, Manny Pacquiao, Francis Tolentino, Joel Villanueva, Cynthia Villar at Senate Majority Leader Juan Miguel Zubiri.

Samantala, siyam na senador ang wala ring absent subalit nakapagtala ng late sa roll call.

Kinabibilangan ito nina Senators Sonny Angara, Pia Cayetano, Senate Minority Leader Franklin Drilon, Sherwin Gatchalian, Risa Hontiveros, Imee Marcos, Aquilino Pimentel III, Grace Poe at Ramon Bong Revilla Jr.

Si Senador Ronald dela Rosa naman ay present sa 65 session days at absent sa apat na session days makaraang magkasakit.

Si Senador Richard Gordon ay present sa 64 roll calls habang late sa tatlong session days habang isa sa mga session ang nasa official mission siya.

Si Senate President Pro Tempore Ralph Recto ay present sa 65 session days, late sa dalawang roll calls, at absent sa dalawang session days.

Si Senador Francis Pangilinan naman ay present sa 63 roll calls, late sa apat na session days, at absent sa dalawang session days. (DANG SAMSON-GARCIA)