MANANATILI ang Kalakhang Maynila at karamihan sa lugar sa bansa sa ilalim ng Alert Level 2 mula Disyembre 1 hanggang 15 bilang bahagi ng pag-iingat laban sa pagpasok ng bagong Omicron variant ng COVID-19.

“The Inter-Agency Task Force (IATF) approved on Monday, November 29, 2021 the recommendation to place the National Capital Region under Alert Level 2,” ayon kay acting Presidential Spokesperson at Cabinet Secretary Karlo Nograles.

Bukod sa Metro Manila, nasa ilalim din ng Alert Level 2 ang mga sumusunod: Cordillera Administrative Region (CAR): Benguet, Abra, Kalinga, Baguio City, Mountain Province, at Ifugao; Region 1: Dagupan City, Ilocos Sur, Ilocos Norte, La Union, at Pangasinan; Region 2: Batanes, Cagayan, Isabela, Nueva Vizcaya, Quirino, at City of Santiago; Region 3: Angeles City, Aurora, Bataan, Bulacan, Nueva Ecija, Olongapo City, Pampanga, Zambales, at Tarlac; Region 4-A: Cavite, Laguna, Batangas, Rizal, Quezon, at Lucena City; Region 4-B: Occidental Mindoro, Oriental Mindoro, Puerto Princesa City, Marinduque, Romblon, at Palawan; Region 5: Albay, Camarines Norte, Camarines Sur, Catanduanes, Sorsogon, Masbate, at Naga City; Region 6: Aklan, Antique, Bacolod City, Capiz, Guimaras, Iloilo, Iloilo City, at Negros Occidental; Region 7: Bohol, Cebu, Cebu City, Lapu-Lapu City, Mandaue City, Negros Oriental, at Siquijor; Region 8: Biliran, Eastern Samar, Leyte, Northern Samar, Ormoc City, Southern Leyte, Tacloban City, at Western Samar; Region 9: City of Isabela, Zamboanga City, Zamboanga del Norte, Zamboanga del Sur, at Zamboanga Sibugay; Region 10: Bukidnon, Cagayan de Oro City, Camiguin, Iligan City, Lanao del Norte, Misamis  Occidental, at Misamis Oriental; Region 11: Davao City, Davao del Norte, Davao de Oro, Davao del Sur, Davao Occidental, at Davao Oriental; Region 12: General Santos City, North Cotabato, Sarangani, South Cotabato, at Sultan Kudarat; Region 13 (Caraga): Butuan City, Surigao del Norte, Agusan del Sur, Surigao del Sur, Dinagat Islands, and Agusan del Norte; and Bangsamoro Autonomous Region in Muslim Mindanao: Basilan, Cotabato City, Tawi-Tawi, Sulu, Lanao del Sur, at Maguindanao.

Ang lalawigan naman ng Apayao ay isinailalim sa Alert Level 3 mula Disyembre 1 hanggang 15.

Kaugnay nito, todo depensa ang Malakanyang sa desisyon ng IATF-EID na panatilihin ang Kalakhang Maynila at karamihan sa lugar sa bansa sa ilalim ng Alert Level 2 status.
“Right now, hindi pa tayo handa na mag-declare ng any Alert Level 1, ” ayon kay CabSec. Nograles.

Aniya, isinasapinal ng IATF-EID ang parametro sa posibilidad na ibaba ang Metro Manila sa Alert Level 1 sa pamamagitan ng pag-assess sa average daily attack rate (ADAR) at health care utilization rate.

Gayunman, sinabi ni Nograles na kailangan pa rin maging handa ang mga lokal na opisyal na magdeklara ng granular o localized lockdowns sa oras na tumaas ang COVID-19 cases sa isang partikular na lugar.

Ang Omicron variant, na unang natuklasan sa Botswana, Southern Africa, ay idineklara bilang variant “of concern” ng World Health Organization.

Sa kasalukuyan, wala pang naiuulat na kaso ng Omicron variant sa Pilipinas subalit kaagad itong nagpatupad ng travel restrictions sa 14 bansa na mayroong “high risk of infection.” (CHRISTIAN DALE)